Uhoova

Itthu Yesu yaapankilyaawe

IVIDIYU: Yesu nanlalyeera Zakewu

1. Moone IVIDIYU awula nsome Luka 19:1-7. Mwamalihaka, mwaakhule ala makohwaala:

1. Kontha isiyani atthu akhwaawe yaananthanya Zakewu?

2. Isiyani yaamwiirihile Yesu unlalyeera Zakewu hataa ukhalaka wiira anthanyiya?

Ntakihero na Yesu ninniitthuciha isiyani?

2. Hi khaninlamuliya woova waalalyeera atthu otheene woohinthanla ntthu.

Muntakihe Yesu

3. Munkhuluvele Yehova. Nnepa wowaarya wa Nluku phankavihenre Yesu ukhitiri ulalyeera ihapari comaana ni uyo nnepooyo ciicammo unaahala wuukaviherani nyuuva. (Mat. 10:19, 20; Luka 4:18) Wakhalaka wiira nnawoova unlalyeera ntthu ihapari comaana, munlepele Yehova wiira ookavihereni.—Mite. 4:29.

4. Nhaathanle atthu owaalalyeera. Pooti ukhalaka wiira nyuuva nnawoova umuulumana ntthu nlattu wo mananna ciwanryaawe, citthu cirinaawe, nteko unvaraawe, makhalelwaawe awula citthu cinaaminnyaawe. Masi muupuwele ila:

1. Yehova ni Yesu paahi phankhitiri woona nrima wa ntthu, hiiva khaninkhitiri.

2. Atthu otheene unawaaphwanela wooneliya ikiriri ni Yehova.

5. Nhoove, masi ciicammo moonihere ihisima ni mwiikhikicere. (Mat. 10:16) Nnyeme unyakulihana nintthu. Wakhala wiira ntthuuyo khampheela wiiwa ihapari comaana cinonlalyeereenyu awula moonaka wiira uyo ntthuuyo nopheela unyakulihana, mmalihe mwahooyo niihisima.— Miru. 17:14.