Malakihero aatthu anhala uwa wakonkereesu

ANAMATHOONYERA Anamathoonyera athanliye wiira yuukavihereni. Sontte ninawuulepelani upanka inhalaaya uwiirelani, nttharaka inhalaaya uhimya toko inanna coweemesa ikaaro, weettakaca nipuro no nkutthaano, uthanla mapuro owonkoma ni citthu cikinaku.

MPATTISO Wakhala wiira khanihimiye nipuro nikinaku, ikhatera caya ale anhala upattisiya cinhala ukhala uhoolo wo ipaaluku. Ale anhala upattisiya ahaana wonkoma ayo mapurwaayo uhinaaya wancera mwaha wo mpattiso, Isaapatu uwicisu. Ciicammo ahaana uwaana itowaaliya ni ikuwo coothoonyera ihisima coohala uwara ukati woopattisiya.

MICANKO Uhorihakaciya nsurukhu mwinci wiira citthenkaciye ihice awula ikhatera coohala wonkomeliya, ikaruma cinci coorumihaciya, ikaruma co wooniheriya ividiyu ni citthu cikinaku coohala ukavihera uviriyana ila ikonkereesu inhala unikavihera ukhalana upatthani woolipa ni Yehova. Micanko cinhaleenyu uvaha, phinhala ukaviherera utthenkaciya cila citthu cila ni ukavihera nteko woolalyeera ihapari comaana ca Nluku ntuninyani motheene. Nipuro ninhala upankiya ikonkereesu, nnaahala uphwanya ikaasa cinci cinhalaaya uheliya micanko. Nyuuva ciicammo pooti ucanka nvarelaka nteko isayiti donate.jw.org. Khula ncanko unhaleenyu uvaha unkowaakheleliya sana-saana, ni Mphwinko wo Mahumu Unhoolela unawuusukhuruni cinene inanna cinkavihereenyu miteko co Umwene wa Nluku.

NIKAVIHERO NOOPACERA Sontte, nhiliyale wuupuwela wiira nno nipuro ninhala utafitiya paahi masakha awula iretta coohitepa urika.

CIRIMENLE NI CILOKOTTHIYE Citthu cilokotthiye cihaana urwaaniya nipuro cintafitiyaaya Cirimenle ni Cilokotthiye. Wakhala wiira ihaavo itthu yuurimenleni, nrwee nno nipuronno mwawehe wakhala wiira iholokotthiya. Anamwane oorimela ahaana urwaaniya nno nipuronno, masi wiira nnyeme ukhala niiwasiwaasi nlattu wowuurimelani mwaninyu, mwaatafiti ratta asaaneenyu ni nhaahiye yeettakacaka veekha.

MAPURO OWONKOMA Unaareera waahisima akhwiihu. Nyuuva pooti waasunkera mapuro amuciinyu, ale mwaawananneenyu ikaaro imoca, mwaalattunleenyu awula anaasomiheenyu Ibiiblya. Sontte, nheese hataa itthu waculu mapuro anhala wonkoma atthu akiina.

NTEKO WO WIIVAHERERIYA Mwapheelaka ukavihera miteko co wakonkereesuni, nrwee nipuro ninvahiya Ihapari ni nintthenkaciya Nteko wo Wiivahereriya.