Nyuuva nnaavarela nteko saana Ibiiblya yookaravariya?

Ibiiblya yookavariya ikhanle isiyani? Ibiiblya yookaravariya khanle awudiyu obiiblya Tradução do Novo Mundo yoosomiyeene. Iyo ineera yakaravariyaka vakaani-vakaani niiluuka cinci. Itthu imoca inreerelaaya Ibiiblya yookaravariya ukhalaka wiira ahokaravariya macuu oovirikana khula nipuro ninoolumaawe ntthu noromoliya mbiiblyani. Wiira yiiwannye saana, moolumwaayo anaasomiya nimananna oovara nrima.

Atthu akiina anvarela nteko Ibiiblya yookaravariya anoonela cani? Atthu enci aneewelela khula nihuku Ibiiblya yookaravariya, unawaacivela mananna iyo cincivihacaaya ihantisi co nnuulumoni na Nluku. Ayo ahoonelela wiira wiiwelela macuu oovirikana o khula ntthu nohimiya mbiiblyani, unawaakavihera wuupuwela sana-saana ni wiiweeha itthu yantikhiye. (Miru. 4:5) Atthu enci ciicammo ahoonelela wiira wiiwelela Ibiiblya yookaravariya, unawaakavihera umaala yakhalaka niiwasiwaasi.—Isaa. 94:19.

Wiiwelela usomiya wo Nuulumo na Nluku nakumiheriyaka ncu vate pooti urukunusa venci makhalelweehu. (2 Ikor. 34:19-21) Wakhalaka wiira ihaavo Ibiiblya yookaravariya yoomalela awula yoohimalela niiluuka ineeweenyu, nnoonela cani wiilemaleliha wiiwelela khula nihuku?

MOONE IVIDIYU NTEKO WOOKARAVARI IBIIBLYA—IVIDIYU YOOTHIKILIYA. MWAMALIHAKA, MWAAKULE NNA NIKOHONNA:

Isiyani inoocivelani mweewelelaka Ibiiblya yookaravariya?