Nruku Wo Mananna Oosoma
Isiyani nyuuva mwaahaleenyu upacera usoma?
Otheene cihu nirina ukati vakaani wiira nipanke usoma wo veekha. Isiyani inlamuliyeehu upanka wiira nikhitiri uvarela nteko saana uyo ukati vakaannyuuyo? Woopacera nhipanke itthu mwaakuvyaacaka. Khweeliini, phataari usoma citthu vakaani masi sana-saana, uvirikana nuusoma citthu cinci masi mwaakuvyaacaka.
Vano nlakele toko itthu inhaleenyu usoma. (Efesu 5:15, 16) Moone citthu cooreera upanka:
Nsome Ibiiblya khula nihuku. (Isaa. 1:2) Nyuuva pooti upacera nvarelaka nteko mwaalivurwiihu omikutthaano o weeriyari isumana.
Muntthenkace Ukhalenla ni mikutthaano co weeriyari isumana. Mmananihe wiitthenkaca sana-saana wiira mwakomentari.—Isaa. 22:22.
Mwakhalana ukati mwaavye ucuwela iyoolyani yoominepani itthenkaciye naanaano. Wootakihera irevista, co wuulalyeerani, ividiyu ni myaha cinheliya nsayitini jw.org.
Mpanke iporokaraama yoosoma. Nyuuva pooti waavya mwaha unooluma masakha nnaananeenyu, itthu ihincuweleenyu waakhuliya waya awula itthu ikhwaawe yo mbiiblyani impheeleenyu wiiweeha saana. Wiira nkhalane ankhili akhwaawe, nwehe “Exercícios Bíblicos” nsayitini jw.org.