Unweherera Isiyani Yohoolo?

Ituniya inrwaa . . .

ukhala ciicammo toko ciryaaya?
utepaca?
ukhala ratta?

ITTHU INHIMYAAYA IBIIBLYA

“Nluku . . . naarwa uwuta minthori, khunhala ukhala-tho ukhwa, ikuttho, isontte-sontte, ni hataa yoowerya. Citthu cokhalayi cihovira.” —Apokalipise 21:3, 4, Tradução do Novo Mundo.

NRERELONAYA UCUWELA ILA

Unaarwa . . .

ukhalana nteko wowuuttittimiha ni wowuutteliha nrima.—Isaiya 65:21-23.

ukhala ituniya yoohiretta, ni yoohihuviya.—Isaiya 25:8; 33:24.

ukhalana ukumi wowuutteliha ni woohimala, wamoca naamucya ni asipatthannya.—Isaalimu 37:11, 29.

Nlopwana ni nthiyana anweha uhoolo ninweherero; mwanthiyana mmicera myiri; atthu atekaka inupa

NIKUPALIKI INHIMYAAYA IBIIBLYA KHWELI?

Iyee, nlattu wo citthu piili:

Nluku haana ikuru yommaliha natiryaawe. Mbiiblyani, Yehova Nluku phineehaniya paahi “Okuru Cootheene”, kontha ikurucawe khacimmala. (Apokalipise 15:3) Phimaana, khawantikhinnya wiira uyo naakhitiri ummaliha natiryaawe oophela urukunusa ituniya wiira ikhale nipuro nomaana. Toko cinhimyaaya Ibiiblya, “Nluku citthu coothene naapanka.”—Matewus 19:26.
Nluku unancivela nanmalihale natiryaawe. Wootakihera, Yehova unannukhela waahokolosera ukumi atthu akhwaale.—Jó 14:14, 15.

Ibiiblya inaathoonya ciicammo wiira mwaana a Nluku, Yesu, ahaavoniha aretta. Kontha isiyani ipankenlyaawe iyo? Kontha uyo anaaphela weekhweeli. (Markus 1:40, 41) Yesu aatakiha makhalelo Aathumwaane phimaana waanancivela waakaviha atthu.—Joau 14:9.

Coo, nihaana nikhuluvelaka wiira Yehova ni Yesu ampheela unikaviha ukhalana uhoolo ukumi woonitteliha!—Isaalimu 72:12-14; 145:16; 2 Peturu 3:9.

WEEMELE WUUPUWELE

Nluku nohala urwaa cani urukunusa ituniya wiira ikhale ratta?

Ibiiblya inawaakhula mu MATEWUS 6:9, 10 ni DANIELE 2:44.