Isiyani Umwene wa Nluku?

ITTHU INHIMYAAYA IBIIBLYA

“Nluku owiirimu naarwa utikitherya umweene uhinhala utankanyiya.” —Daniele 2:44, Tradução do Novo Mundo.

“Nihovahiya mwaana mwanlopwana; umwene unhala ukhala mmakhataniwawe.”—Isaiya 9:6.

NRERELONAYA UCUWELA ILA

Unhala utteeliya wacuwelaka wiira . . .

• uhaavo umwene womaana unhala wuuvaha ifayita.—Isaiya 48:17, 18.

• ituniya immwa uhoolo we unaahala ukhalana ukumi woolikanaca ni wowuutteeliha nrima.—Apokalipise 21:3, 4.

NIKUPALIKI INHIMYAAYA IBIIBLYA KHWELI?

Iyee, nlattu wo citthu piili:

• Yesu hothoonyera umwene wa Nluku itthu inhalaaya upanka. Yesu heetthuciha attharyaawe ulompa wiira umwene wa Nluku uwe ni wiira ipankiye yoncivela Nluku vathi. (Matewus 6:9, 10) Yesu hothoonyihera cinhalaaya ucipwiya nlepelonna.

  Waaryaawe watuniyaniva, Yesu ahaaliha anatala, ahaavoniha aretta ni ahowumweleliha atthu ookhwa! (Matewus 15:29-38; Joau 11:38-44) Yooyo ukathyuyo aaweherera ukhala Mwene Owuumweneni wa Nluku. Coo, Yesu thoonyenre itthu inhalaaya waapankela Umwene wa Nluku atthu anrwaa ulamuleliya nuumwene yoola.—Apokalipise 11:15.

• Cinkhumelela ntuniyani cinthoonyera wiira Umwene wa Nluku unaawa woohipica. Yesu ahopacerera uhimya wiira uhalaka vakani Umwene wa Nluku uwaana nnema watuniyani, nlaponi moothene caanaahala woonannya ikhotto, itala nuuttettemelaca wotthaya.—Matewus 24:3, 7.

  Hiivano ninawoona citthu toko nnyo ceerannyaaka. Phimana nihaana nikhuluvelaka wiira woohipica Umwene wa Nluku unaahala umaliha citthu cootthene nnyo.