Utteeliya Waamuci—Isiiryaaya Isiyani?

ITTHU INHIMYAAYA IBIIBLYA

“Ootteliya akhanlee atthu aneewelela moolumo a Nluku nuuttharenla!” —Luka 11:28, Tradução do Novo Mundo.

NRERELONAYA UCUWELA ILA

Utthara nlakihero nna nnaarwa waakavihera amucyaa ukhalana . . .

ufentana wokhweeli.—Efesu 5:28, 29.

ihisima.—Efesu 5:33.

wiwanana.—Markus 10:6-9.

NIKUPALIKI INHIMYAAYA IBIIBLYA KHWELI?

Iyee, nlattu wo citthu piili:

• Nluku phumpale umuci. Ibiiblya inhimya wiira Yehova Nluku ‘phivahale macina maloko oothene.’ (Efesu 3:14, 15) Muulumelo makhwaawe, makhalelo o watthokoni akhanlee nlattu wa Yehova. Kontha isiyani inkhalaaya yuulupale ucuwela iyo?

  Wuupuwele co: Unaalawiha iyoolya yoociva ni umpheela ucuwela capennyaaya, waarwaa unkoha pani? Keera ntthu aapyaale.

  Toko ciicammo, woophela ucuwela isiiri yotteliha nrima watthokoni, yoorera upanka ikhanlee untthawelela Yehova, umpile umuci.—Uphattuwaca 2:18-24.

• Nluku khanniliyala. Ikano comaana cimpheelaaya amuci cirii Mbiiblyani. Kontha isiyani? Kontha nnya ikanonnya cinkhumelela wa Yehova ni “uyo nawuukhaliherani.” (1 Peturu 5:6, 7) Yehova nniphelela upuhawihu, phimana moolumwaawe anaanikavihera ukathi woothene.—Miruku 3:5, 6; Isaiya 48:17, 18.