Kayim ahorusiya cinene

Ukhuma waya ujardim yo Eeteni, Atamu ni Hawa yahaayara asaana. Mwaana oopacera, eehaniya Kayim, owaakulela eehaniya Apeli, Kayim aari namalima ni Apeli aahuwa inama.

Nihuku nimoca, Kayim ni Apeli yaholakelaca unvaha Yehova itthuvo. Nnaacuwela mananna atthwaayo yeehanaaya nnyo itthuvonnyo? Yeehana mikuttho. Nkuttho yaari itthu yooreera ntthu aalakelaawe unvaha Nluku. Yehova yahoncivela itthu aavahilyaawe Apeli, masi itthu ya Kayim khayancivenle. Nlattu wo iyo itthwiiyo, Kayim ahorusiya cinene. Yehova ahomoona ni ahonhimerya wiira aahihiyeke urusiya, anhala upanka itthu yoohiloka. Masi Kayim khaamwiiwelenle Nluku.

Nihuku nimoca, Kayim ahomwiirela Apeli co: “Ukiveleele umattani.” Umattani wonwo anarica ooyeeli paasi, Kayim ahomwaatta Apeli mpaka umwiiva. Isiyani Yehova yaapankilyaawe? Yehova ahomoomola Kayim wiira akhale ilapo ikhwaawe ni khantthunihenre-tho uturuwela ukhala naamucyaawe.

Isiyani ineetthuceehu? Caahineetteleke citthu saana toko cimpheeleehu, hiiva pooti upheelaka urusiya. Noonaka wiira nihorusiya awula ntthu nkhwaawe anuulumanaka ni unikavihera wiira nihiye urusiya, woohipica nihaana wiikurumica umaliha urusiya wihu.

Ukhala wiira Apeli anonfenta Yehova ni ampanka citthu comaana, Yehova khanhala unliyala. Uyo naahala umunweleliha Apeli ukati ituniya inhalaaya ukhala ipeephooni