IBIBLIYOTEKA YO MWINTERNETINI yo Watchtower
IBIBLIYOTEKA YO MWINTERNETINI
yo Watchtower
Imakhuwa Imeetto
  • IBIIBLYA
  • ILIVURU
  • MIKUTTHAANO
  • lfb mwaha 45 p. 110-p. 111 par. 2
  • Umwene Wahokawanyaa

Khiivo ividiyu yo ula mphanttyoola.

Nswammaha, ihaavo ivonnyaale ukati wowoonihera ividiyu.

  • Umwene Wahokawanyaa
  • Wiitthucere Ihantisi co Mbiibiliyani
Wiitthucere Ihantisi co Mbiibiliyani
lfb mwaha 45 p. 110-p. 111 par. 2
Aiyasi nawaahula ikuwaawe ipetaasu 12 uhoolo wa Ropowau

IHANTISI 45

Umwene wahokawanyaa

Ukati mwene Salomau waamwiiwelelaawe Yehova, asarayeli otheene yaari ninnema. Masi Salomau ahaathela athiyana enci yahaari asarayeli ni ayo athiyanaayo khayanswalela Yehova. Vakaani-vakaani Salomau ahancera unhiya Yehova ni waaswalela anluku oohikhweeli. Yehova ahorusiya cinene ni ahomwiirela Salomau co: “Mi kinaahala uwaakha umwene urinaa u Isarayeli. Uyo umwennyooyo unaahala ukawannyaa miphantte miili, mphantte muulupalyooyo nohala uhoolela nantekwaa. Vano mphantte mwaankaanyuuyo anhala ulamulela amucyaa.”

Nanteko mmoca a Salomau ehaaniya Yeropowau ahonkumanana porofeeta Aiyasi. Uyo ahorula ihancwaawe ni ahaahulaca mpaka ipetaasu 12. Vano ahomwiirela Yeropowau co: “Yehova naahala umwaakha Salomau umwene wo Isarayeli. Ni uyo umwennyooyo unaahala ukawannyaa miphantti miili. Phimaana weeva ukuse ipetaasu 10 co ila ihancwila, kontha phiwee unhala ukhala mwene o maloko 10.” Ukati Salomau waacuwenlyaawe ahomananiha umwiiva Yeropowau. Masi Yoropowau ahotthawela Wiciipitu. Uvira waya myaakha Salomau ahokhwa ni mwanawe eehaniya Ropowau ahokhala mwene. Uyo ukattyuuyo Yeropowau ahohokoleela u Isarayeli.

Asarayeli enci ananvaherera nkuttho ttontto ampankilyaawe Ropowau

Asuulupaale o Isarayeli yahomwiirela Ropowau co: “Waawaceraka saana a Isarayeli ayo khaanhala uhiya uwiiwelela.” Masi asimpwanaawe Ropowau yaari amirawo yahomwiirela co: “Uhiiwoonele ikiriri a Isarayeli. Wuncerera ntekwaaya.” Ropowau aheewelela asimpwanaawe. Vano maloko 10 o Isarayeli yahonthanla Yeropowau wiira akhale mwenyaaya. Ni maloko meelyaayo khayaahiile ukhala mphantte wa Ropowau. Vano maloko 12 o Isarayeli yahokawannyaa miphantte miili. Maloko 10 ayo yeehaniya umwene wo Isarayeli. Vano maloko meelyaayo yeehaniya umwene wo ayuuta.

Yeropowau khaapheela wiira apoovwaawe arwee yanswalele Yehova u Yerusalemu. Wonwo waaryaaya umwene wa Ropowau. Nnaacuwela konntta isiyani? Kontha uyo anoova apoovwaayo unrukunuwela ni upheela ulamuleliya ni Ropowau. Nlattu wo ayo moopuwelelwaayo Yeropowau ahompanka ttontto o imope owooru. Ni ahowiirela apoovwaayo co: “U Yerusalemu uttayi, nttwee ninswalele Nlukwiihuuyo vaava.” Ni apoovwaayo yahancera unswalela ttonttooyo ni yahonliyala Yehova

‘Nhaatakaneelane atthu ahimwaamini Nluku. Isariya invaranaca cani niile invirikaniha nlamulo? Awula ntthu owaamini novaranaca cani ni ntthu ohaamini?’ — 2 Akorintu 6:14, 15

Unaacuwela waakhula? Kontha isiyani u mwene wo Isarayeli waakawannyaacilyaaya miphantte miili? Citthuni cootakhala caapankilyaawe mwene Ropowau ni mwene Yeropowau?

1 Mamwene 11:1-13, 26-43; 12:1-33

    Makhuwa-Meetto (2014-2025)
    Ukhuma
    Ukela
    • Imakhuwa Imeetto
    • Unveleelihera Ntthu
    • Cimpheelaa
    • Copyright © 2025 Watch Tower Bible and Tract Society of Pennsylvania
    • Mananna Oovarela Nteko
    • Isiyaasa Yosiiri
    • Privacy Settings
    • JW.ORG
    • Ukela
    Unveleelihera Ntthu