Moolumo oopacera o mphantte 8

Ula mphanttyoola, ninaarwaa woona wiira Yehova ahonvaha Salomau ucuwelaca ni ahonkavihera uteka itempulu. Masi, vakaani-vakaani, Salomau ahopacera unliyala Yehova. wakhala wiira nyuuva nhoyara, munkavihere mwaninyu woona mananna atthu yaaswalela anluku oohikhweeli yanhapusilyaaya Salomau ni unhiiha unswalela Yehova. Ciicammo, ninaahala woona wiira u mwene wo Isarayeli wahokawanihiya miphantte miili, ni mananna mamwene yaawiirihilyaaya apoovu waaswalela anluku oohikhweeli. Uyo ukatyuuyo, maporofeeta menci yankhuluvela Yehova yaholupatthiya mpaka wiiviya. Apwiyamwene Yesapeeli yaheeriha umwene wo maloko 10 utepa waaswalela anluku oohikhweeli. Nhina ihantisi ya asarayeli. Ula phaari ukati wootepa urika. Masi asarayeli akhwaawe toko mwene Yehosafaa ni porofeeta Eliyasi khayaahiyerenre ukhala ookhuluvelya.