Moolumo oopacera o mphantte 12

Yesu anwiitthuciha atthwaayo Umwene wa Nluku. Uyo ciicammo aheetthuciha mananna ninlamuliyeehu ulompa: nhaana ulompa wiira ncina na Nluku nittitthimihiye, wiira Umwenyaawe uwe ni wiira yiirannye itthu impheela Nluku va watuniyani vaa. Wakhala wiira nyuuva nhoyara, munkavihere mwaninyu woona kontha isiyani ulompa urinaaya ifayita cinene. Mmoonihere ciicammo wiira Yesu anonkhuluvela cinene Yehova ukati wotheene, hataa Sotwani anttehattehaka. Yesu ahaathanla maapostolu wiira apacerihe upankela mphantte Umwene wa Nluku. Munkavihere mwaninyu woona mananna Yesu wancivelaaya uswali weekhweeli. Ni uyo waanoncivela waakavihera atthu, phimaana, anaavoniha aretta, anaavaha iyoolya atthu yaavola itala ni aanonweleliha atthu ookhwa. Nnya miiriiryannya cotheene, Yesu ahoonihera itthu Umwene wa Nluku unhalaaya upanka ntuniyani motheene.