MAKHALELO EEKRISTAU
Mwiiwehere khampa Yehova cinooweheraaweni
“Yehova anancivela apoovwaawe.” (Isaa. 149:4) Uhookhalaru wiira hiiva naatthu oopahuwa, uyo nawoona makhalelweehu omaana ni wiikurumica wihu. Masi ukati nkhwaawe, pooti unirikaka uweheeha makhalelo omaana arineehu. Atthunaka nlattu wo mananna atthu akiina cinniwaceraaya, hiiva pooti waanana moopuwelelo oohiloka awula ukhala nuupuwelaka citthu coohinamaana nipankileehu khalayi, noonihaka toko Yehova khanhala unifenta-tho toko khalayi. Isiyani inhala unikavihera nakhalanaka ayo moopuwelelwaayo?
Muupuwele wiira Yehova nawoona citthu ahinkhitiryaaya woona apinaatamu. (1 Sam. 16:7) Iyo maanaaya wiira uyo naakhitiri woona citthu hiiva nihinkhitiriihu woona imwaneeneehu. Masi ikhanle itthu yoomaaliha ucuwela wiira Ibiiblya pooti unikavihera wiicoona khampa Yehova cinnoonaawe. Ukati unsomeehu ihantisi co mbiiblyani, ninaakhitiri woona mananna Yehova cinaafentaawe aswalyaawe.
MOONE IVIDIYU MMAALIHE NRIMEENYU. MWAMALIHAKA, MWAAKHULE ALA MAKOHWAALA:
Ntakihero na mmirawo namatthawatthawa ni athumwaane ninniitthuciha isiyani nhina mananna Yehova cinniweheraawe?
_Wakhalaka wiira ntthu hovara matampi moolupale ni naapanka marukunuso wiira aturuwele ukhalana upatthani ni Yehova, isiyani inhala unkavihera umaaliha nrimaawe?—1 Jo. 3:19, 20
_Kontha isiyani yaakhanlyaaya itthu yomaana munna usoma ni wuupuwela ihantisi yo Davidi ni Yehosafaa?
_