MAKHALEO EEKRISTAU
Ayo anaavara nteko cinene nlattu wawihu hiiva
Mamootoli osirikwiitu ni asaaraya anowoonihera nifento atthu anaavarelaaya nteko. Masi toko hiiva, ayo cihaavo citthu cinaathwaa, anaakhalaka owoocya, ooriipiya nrima ni nimasukhuli. (Tiya. 5:17) Unookhalaru commo, khula isumana anaahiya citthu cotheene nnyo, ni ayo anawiivaherera waawacera ni waalipiha mayamunna o wanlokoni ninootolaaya. Khweeliini, mamootoli osirikwiitu unawaaphwanela uttitthimihiya cinene.—1 Tim. 5:17.
Uwakati apostolu Paulu eetthenkacilyaawe wiira ootole nloko no Roma, wiira aalipihe mayamunna mminepani, uyo itthu yaapheelaawe waari ‘ulipihana’ nkhayi naayo mayamunnaayo, awula uyova waalipiha nuuyova ciicammo ulipihiya. (Aroo. 1:11, 12) Vano nyuuva, nhoopuwela mananna cinlamuliyeenyu unlipiha mootoliinyu osirikwiitu ni amwaarawe, wakhalaka wiira hothela?
MOONE IVIDIYU MAKHALELO O MAMOOTOLI OSIRIKWIITU CO NCOKO WOOTTALIVELANA NUUSITTATTI. MWAMALIHAKA, MWAAKHULE ALA MAKOHWAALA:
Manannani mamootoli osirikwiitu naasaaraya cinooniheraaya wiira anawaafenta mayamunna o wanlokoni?
Manannani nyuuva cikaviheriyeenyu nlattu wowootoliya nimootoli osirikwiitu?
Manannani cinlamuliyeehu waalipiha ayo mayamunnaayo?