MAKHALELO EEKRISTAU

Mwaakavihere atthu ahirina ittiini uncuwela ule ompile citthu cotheene

Nhotoko unyema unlalyeera ntthu hirina ittiini moonihaka toko khaahala utthuna woopaniya myaha co mbiiblyani? Wakhala wiira ihopaca uwiirannyeelani iyo itthwiiyo, nhaana muupuwelaka wiira atthu oohittiini enci ni hataa atthu yahankupali Nluku ahokhala Masaahiti a Yehova. Ikwaha cinci, itthu impheelaaya ayo atthwaayo ukhanle ukaviheriya vakaani wuupuwela citthu cinoonihera wiira Nluku haavo.—Aroo. 1:20; 10:14.

MOONE IVIDIYU NHILIYALE—NTTHU HIRINA WAAMINI POOTI UKHALANA WAAMINI—ATTHU AHIRINA ITTIINI. MWAMALIHAKA, MWAAKHULE NNA NIKOHONNA:

Ntakihero na Tommaso ninookaviherani cani uhaathanya atthu ahirina ittiini?

Your answer

Mananna oopanka

Wakhala wiira ntthu khammwaamini Nluku, mmoonihere unamaana ni moonihere wiira nnawacera itthu inoopuwelaaya nhina uyo mwahooyo. (2 Tim. 2:24) Muulume itthu inhala umwiiriha ntthuuyo upheela wiiwa. Niireke wiira ntthuuyo naatthuna woopela mwaha isiyani iwiirihile atthu akiina umwaamini Nluku? Wakhalaka wiira naapheela, nvarele nteko irevista ni ividiyu citthenkaciye wiira yooniheriye ayo atthwaayo. Ibroxura Será Que a Vida Teve Um Criador? ni A Origem da Vida —Cinco Perguntas Que Merecem Resposta cinaapanka mphantte nhina ikaruma cihu cowiitthucihera.

Wiipaceroni, nyuuva pooti woova umuulumana ntthu hinonkupali Nluku. Nnoonela cani umuulumana munna ancenre ulalyeera khalayi ni unlepela wiira ookavihereni? Ciicammo, nhiliyale wiira Yehova pooti unikavihera waaphwanya atthu ampheela wiiwa ihapari comaana, hataa ukhalaka wiira wiipaceroni ayo khayaaamini wiira Nluku haavo.—Mite. 13:48.