Terus hi nei nuban ka baʼni?

SAPA PE BÍBLIA DALE?

“Maromak . . . hi hol bel rom mata eran ni rom matan, maeta hi baʼni, atuba hi ba sero ka hua lalan mam nor susar.”​—Apokalipse 21:3, 4, Tradusaun Mundu Foun.

MAMBAE PE IDIA LEB DIA IT?

It leb fiar susar seir agora it et tilun ia badlo Maromak pe pun.​—Tiago 1:13.

It hi hua laʼan lehe tan tadlo tuse Maromak hanoin it arpil it et terus.​—Zacarias 2:8.

It gnan nahati tuse terus seir nei tilun ia hi hled.​—Salmo 37:9-11.

IT LEB FIAR RIO SAPA PE BÍBLIA DALE KA BAʼNI?

Leb, tan razaun ru:

• Maromak odi terus nor pun-punun seir badlon. Hanoin tnaer Maromak Jeová senti mansapa munan ro pun klao ni atubun. Bíblia dale tuse Maromak senti huan huga arpil ua ko atuba pun klao ka ameasa ni atubun.​—Juís 2:18.

  Maromak ba gosta rio arpil atuba ko atub selun ba kode. Id peʼe Bíblia dale tuse Maromak gmolo “atub seir haʼa atub dlon ni laʼran”.​—Provérbios 6:6, 17.

• Maromak hanoin it id-id. Badlo it atuba “mesa pe tadlo malisan nor terus”, Maromak Jeová meit tadlo.​—2 Krónikas 6:29, 30.

  Hi ba agi tan dar Maromak ni Ukun, Maromak Jeová hi pun lako atub id-id ni terus. (Mateus 6:9, 10) Mais oid gnan idia rat ma, Maromak hi pun lehe seir beʼpe nae Ua, ni morin.​—Apóstolu 17:27; 2 Korinto 1:3, 4.