Sapa pe Maromak ni Reinu?

SAPA PE BÍBLIA DALE?

“Maromak hi pun ukun id beʼpe hi nei la nahati.”​—Daniel 2:44, Tradusaun Mundu Foun.

“Ana-manen id ne bel ma it; ua hi ol ukun ni ua kbasa teten.”​—Isaias 9:6.

MAMBAE PE IDIA LEB DIA IT?

• Governu kode kidia hi oid meit san kode ma it.​—Isaias 48:17, 18.

• Ba agi si, ni mundu heun, atub hi nei etan kode nor mori tnega ni raea.​—Apokalipse 21:3, 4.

IT LEB FIAR RIO SAPA PE BÍBLIA DALE KA BAʼNI?

Leb, tan razaun ru:

• Jesus kok sapa pe Maromak ni Ukun hi pun. Jesus denu ni eskolante ro pun orasaun la Maromak oid kbein Maromak ni karak sai rio ni raea. (Mateus 6:9, 10) San seir Jesus munan pun ni raea kok ma it tuse Maromak hi glo orasaun kidua.

  Arpil Jesus hi ni raea, ua ne mua la atub belin, ne etan kode hel la atub seir moras, ua meit ne mori la atub maeta! (Mateus 15:29-38; João 11:38-44) Sai man Ukun nain id la Maromak ni Ukun ada-airu, Jesus kok ma it san seir beʼpe ua hei pun ada-airu la ni atuba.​—Apokalipse 11:15.

• Sapa pe nei tilu her raea agora ia kok ma it Maromak ni Ukun pdesi ma si. Jesus dale bel huir munan tuse arpil Ukun kidia oid dame ma nia raea, huna hi nei her hati ahe-ahe, raea hi beli, no hlaela hi doʼo ka raea hi kaku.​—Mateus 24:3, 7.

  Nahai lelon, it et san sirʼia nei rio, se man ua, it leb fiar rio tuse ba agi molu, Maromak ni Ukun hei pun lako probem hled her rae ia.