5
Ilyasi Ilyaya Muli Baibo
Yeova Leza u wakwata insambu zyakuteeka. Mitekele yakwe ili yampomvu. Vino akalonda ukucitila antu pano nsi vilafikiliziwa.
Pacisila ca mwaka wakwe 4026 B.C.E. “Inzoka” kulikuti Satana, yatwisika ukateeka wakwe Yeova ni miteekele yakwe. Yeova walaya ukuti kulaya “umwana,” wino alafwamfwanta Satana. (Utandiko 3:1-5, 15) Nomba Yeova waleka ukuti antu yaiteeka aeneco lino yakutungululwa na Satana. |
1943 B.C.E. Yeova wanena Abulaamu ukuti “umwana” uwalavilwe alafuma umu mupanda wakwe.—Utandiko 22:18. |
Pacisila ca mwaka wakwe 1070 B.C.E. Yeova walaya Umwene Davidi nu mwanakwe Solomoni ukuti “umwana” uwalavilwe alafuma umu lupwa lwao.—2 Samweli 7:12, 16; 1 Yamwene 9:3-5; Ezaya 9:6, 7. |
29 C.E. Yeova wamanyisya Yesu ukuti ali “mwana” uwalavilwe uwali nu kupyana cilimba cakwe Davidi.—Galatiya 3:16; Luka 1:31-33; 3:21, 22. |
33 C.E. Inzoka, kuli kutiSatana, yacimvya “umwana” pa kasita kanono lino yakoma Yesu. Yeova watuutulula Yesu nu kumupeela umi ukwiyulu nupya Yeova wapokelelaimpolelwa ino Yesu wapeezile, na ci calenga ukuti ana yakwe Adamu yakwate isyuko lya kwelelwa maifyo nu ku kwata isyuko lya kwikala manda pe.—Utandiko 3:15; Milimo 2:32-36; 1 Kolinto 15:21, 22. |
Umu 1914 C.E. Yesu wasumba Satana, pa mpanga ya pansi, nu kumuleka aikale pa kasita kanono.—Umbwilo 12:7-9, 12. |
Ukunkolelo Yesu wanyepa Satana pa myaka 1,000 alino lyene wa mufwamfwanta uku mutwe kulikuti ukumonona. Vino Leza walondanga ukucitila antunze pakutandika, vyafikiliziwa nu muzewanya uwali api zina lyakwe wafumiziwapo nupya camanyikwa ukuti aliwe sile uwalinga ukuteeka.—Umbwilo 20:1-3, 10; 21:3, 4. |