Ndi Mukulonda Umuntu Umwi Alukuya Cuza Winu, Namwe Mulinzile Ukuya Cuza Wakwe

Icikalenga antu ukuya na ucuza ukutemwana. Ndi mwakomapo ukusambilila pali Yeova, alino mulamutemwisya sana. Lino mukuya mukutemwisya Leza, alino mulalondesya nu kumuombela. Cii, icilalenga nu kuti mwalondesya ukuya alondezi yakwe Yesu Klistu. (Mateo 28:19) Ndi mukasi ukuya cuza wakwe Leza manda pe, mulinzile ukuya mu iuvi lya Nte Zyakwe Yeova muno mwaya antu a nsansa. Uzye mungacita uli?

Mulinzile ukuvwila masunde yakwe Leza pa kuti cimanyikwe ukuti mwamutemwa. “Swemo tukalanga ukutemwa kuno twatemwa Leza pa kuyela masunde yakwe. Na masunde yakwe angupale.”—1 Yoane 5:3.

Mwacita vino mukusambilila. Yesu walanzile ilyasi limwi ilikalangilila usuma wa kucita vino mukusambilila. Umuntu umwi uwa mano wakuuzile ing’anda yakwe pali cilwala. Lyene umuwelewele wene wakuuzile ing’anda yakwe pa lusenga. Lino imvula ikalamba yatonyiizye, ing’anda ino yakuuzile pa lwala itaponyile, nomba ing’anda ino yakuuzile pa lusenga, yene yaponyile nu kutamoka wakwe cimwi. Yesu watasile ukuti yonsi yano yakauvwa masambilizyo yakwe nu kuyacita yaya wa muntu wa mano wino wakuuzile pa lwala. Lelo yonsi yano yakauvwa usambilizyo wakwe nu kukanacita vino yuvwa, yaaya wa muntu muwelewele wino wakuuzile pa lusenga. Nga mwemo mungatemwa kukolanya aalikwi paa?—Mateo 7:24-27.

Kuipeela. Pa kuipeela, mulinzile ukupepa kuli Yeova nu kumunena ati mukulonda mwacita ukulonda kwakwe amanda yonsi. Ndi mukucita ukulonda kwakwe Leza icili ca kumanyilako ukuti mwemwe alondezi yakwe Yesu Klistu.—Mateo 11:29.

Luwatizyo. “Uwatiziwe uswefiwe ku maifyo yako apa kwama pi zina lyakwe.”—Milimo 22:16.

Ombelini Leza nu mwenzo onsi. ‘Mulimo onsi uno mukuomba ombini ni myenzo inu yonsi, kwati limwi mukuombela Yeova, asi kuombela umuntu.’—Kolose 3:23.