Mungaomvya Amazwi Yaa

Pa Kutandika Masambililo pa Ciwelusi ca Kutandikilako Umu Mei

“Tukutandalila anji kuti tulanzyanyeko nayo panono apiuzyo limwi lino aingi yakafilwa ukwasuka. [Mulangini iuzyo lya kutandikilako ilili uku nkupo ya Lupungu lwakwe 1 Mei.] Vwilini mwemo mungasuka mutuuli?” Lekini asuke. Lanzyanyini ivyeo ivili apisika ivikwasuka iuzyo kwene lilyo muwelengeko nanti i lembelo lyonga. Lyene mupeelini yamangazini, muvwane nu wanda lino muliza mulanzyanye iuzyo lyalondelelapo.

Ulupungu lwa kwa Kalinda 1 Mei

“Twati katutandalileko anji pa kasita kanono pano itulola ukuti antu aingi yakalondesya ukumanya ivilacitika uku nkoleelo. Uzye mwemo ndi mwelenganya pa vintu ivilacitika uku nkoleelo mukauvwa uli? Uzye mukataila ukuti vintu vilaziipa nanti limwi mukasakamala sana? [Lekini asuke. Nga alino muwelenge amalembelo aali umu kambokosi akakuti “Vino Leza Wasokolola Ukuti Vilacitika Uku Nkoleelo.”] Mangazini wii akulanda apa vintu vimwi-vimwi vino Leza walanda ukuti i vilacitika nupya ikulondolola umulandu uno tungasininkizizya ukuti umu cumi vilacitika.”

Loleni! Maaci–Epulelo

“Uzye namwe mukuzumila ukuti indupwa izingi zyaya sana ni ntazi ndakai? [Lekini asuke.] Lekini imulangeko vino ipinda limwi ilya muli Baibo likati i vingavwa antu ukuya ni nsansa umu lupwa. [Welengini Mapinda 24:3.] Antu aingi yazumila ukuti muli Baibo u mwaya masunde ampomvu aangazwa indupwa zyao. Mangazini wii akulanda sana pali adelesi umwi uwa pa Intaneti umusuma cuze uwaya ni vyeo vya muli Baibo ivika-azwa antu pakuti yaaya ni nsansa umu lupwa. Kutaaya nu kulipila pa kuwelenga ivyeo vivyo.”