Kuomba Ningo Umu Mulimo—Kulanga Umuntu Vino Tukasambilila Baibo Kuomvya Ibuku Lyakuti Baibo Ikasambilizya

Cino Cacindamila: Antu aingi limwi yangafilwa ukuvwikisya muno twalozya lino tukuyanena ukuti tukasambilizya antu Baibo uwila sile. Limwi yangaelenganya ukuti yalaaya pamwi na auze pa kusambilila, nanti limwi pa kusambilila yalaomba vimwi vitale. Fwandi mu nsita yakuti mwanena sile umuntu ukuti mungamusambilizya Baibo, cingazipa ukuti imumulanga vino tukasambilila! Mu mamineti anono sile, limwi ukwaula na kuti mwikale, mungalanga umuntu ukuti ukusambilila Baibo kwangupala sana nupya kukaleta uluzango.

Vya Kucita:

Lino mwalamukana, muzye wino mukusimikila ndi cakuti akasakamala pa vintu ivilacitika ku nkoleelo.
Munenini ukuti antu aingi nayo kwene yakasakamala pali vivyo kwene, nupya mulangini imitwe ya malyasi iyaaya umwi buku lyakuti Baibo Ikasambilizya. Mulondolwelini ukuti ibuku lii lyakwata malyasi angupale ukuvwa aakalanga vino Baibo ikasambilizya pali vino ivintu vilaya uku nkoleelo alino na pa malyasi yauze, nupya muzyini alande icipande cino angatemwa.
Mupeelini ibuku, alino mumulange icipande cino atasoolola. Mumulondolwele ukuti mauzyo aali apakutandikila icipande, yaasukwa umu mapalagalafu aali mu cipande kwene cico.
Neenini wino mukusimikila awelenge palagalafu ya kutandikilako ndi cakuti angakwanisya. Lyene uzyini cuzyo cakwe palagalafu kwene iyo, nupya mulanzyanye capamwi icasuko. Welengini malembelo aali mwenemo aakutungilila icasuko. Mulangini alole vino mwasila apali icasuko umwibuku linu.
Lanzyanyini palagalafu iilondelilepo, lyene umuku uu wene, muleke aezye ukwasuka umu mazwi yakwe.
Mumutaizye, nupya muvwane nawe lino mulaswililako pakuti mukamaliile isambililo lilyo.
Nga mwalola ukuti icilinga, muneenini ukuti angatamba na vidyo pa jw.org ikati I Vyani Vikacitika pi Sambililo Lya Baibo?

Mwezi Uu Muce Mwezye Ukucita Vii:

Muce mupepe kuli Yeova kuti amwazwe ukutandika isambililo lya Baibo.—Filipi 2:13.
Muce mwezye ukulangilila vino tukasambilila Baibo kuomvya ibuku lyakuti Baibo Ikasambilizya, nanti kulanga wino mukusimikila vidyo yakuti, I Vyani Vikacitika pi Sambililo Lya Baibo, nanti u muku onga sile lino mukusimikila.