U Mulandu ci Uno Tulinzile Ukuyela ‘Acincile pa Kucita Ivisuma’?

Uzye mwaya acincile pa kucita ivisuma? Swe ya kasimikila tufwile ukuya acincile. U mulandu ci? Lekini tulande pa mazwi yano tukawelenga pi lembelo lyakwe Tito 2:11-14:

• Cikomo 11: Uzye “icikuku cakwe Leza” i cani, nupya cingatwazwa uli swensi cila muntu?—Loma 3:23, 24.

• Cikomo 12: Uzye i vyani vino icikuku cakwe Leza cikatusambilizya?

• Vikomo 13 na 14: Pa mulandu wa kuti twasanguluka, uzye tukataila ukuti i vyani ivilacitika uku nkoleelo? Nupya u mulandu ci ukalamba uwalenga kuti tusangululwe ukufuma mu nsi yii umwaya antu akacita iviipe?

• Uzye ivikomo vii vingatwazwa uli kuya acincile ukucita ivisuma?