Kuomba Ningo Umu Mulimo—Mwasimikila Uku Ncende Ukukazanwa Antu Aingi

Cino Cacindamila: Ndakai antu yaaya apamviwe napya ilingi yasizanwa pa mang’anda yao lino twayatandalila. Ivilongano vyonsi ivyakwata incende ukukazanwa antu aingi, yavikomelezya ukuti vifwile ukupekanya ningo pakuti vingasimikila ku ncende kwene zizyo ukuomvya matebulo nanti utumasitandi pakuti antu aakupita yaalola impapulo zitu. Mungaoda utumasitandi apaakutantika impapulo ukwi ofesi. Pa JW.ORG mungakopapo nu kupulinta ivyakukambatika pa tumasitandi twakutantikapo impapulo ivyaya mu ndimi zipusane-pusane ukuomvya izina lya cilongano. Uzye mwatala mwezyapo ukuomvya inzila yii pa kusimikila?

Vya Kucita:

Ndi cakuti aaya muli komiti ya mulimo yapekanya, mungaatantika impapulo pa matebulo nanti utumasitandi pa ncende apakazanwa sana antu mu cifulo kwene cino cilongano capeelwa ukusimikila.
Cingazipa ukwika matebulo yaa pa ncende ili imwi, pa manda ali yamwi na pa nsita ili imwi cila mulungu. Kucita vii, kungalenga antu yaelezye ukulola impapulo zino tukutantika, nupya wanda umwi yangasuka yapalame nu kuuzya mauzyo nanti sile ukusendako impapulo.
Mwaezya ukuya ansansa nupya mutaifinya. Mwamwentula. Ngi cakuti umuntu wasumba mano pano imutantika impapulo, kasimikila wenga angatandika ukulanzyanya nawe, limwi angaomvya mazwi aakuti, “Uzye mwatala mwelenganyapo pali vino Baibo ikalanda api lyasi lii?” Lyene kasimikila muze nanti yaili yangimilila umupipi ni vitantikwe pa matebulo pakuti lino yakusimikila ale ivitantikwe vikuloleka.
Mungalenga maadelesi kuli yano yakulondesya ukusambilila. Mufwile ukusininkizya ukuti mwalemba yonsi akulondesya ukusambilila pali fomu ya S-43.

Good News for All Nations

Uzye Baibo Ikasambilizya Ukuti Uli?

Mwezi uu Muce Mwezye Ukucita Vii:

Lino muli pa kupepa kwa lupwa, muce mulanzyanye incende ukwaya antu aingi kuno mungasimikila. Muce mucite ivilangililo pali vino mungasimikila ukwaya antu aingi, napya muce musoolole malyasi yano antu aingi yangatemwa ukuvwa umu cifulo cinu.