VINO SWE INA KLISTU TWAAYA
Yalumendo na Akazyana Kakwene Aali “Kasita Kasuma”
Cingangupala sana uku yalumendo na akazyana ukwelenganya ukuti lyonsi kwene yalaaipakizya ivisuma, yatalatala yapite umu ‘manda ya ulanda’ amu nsi ii yakwe Satana. (Kasa. 12:1) Ndi cakuti mwemwe yalumendo nanti akazyana, uzye mutakuzumila ukuti mucili ni nsita iikulu ino mungalondesya ukuombela Leza, ali kuti ukuya kasimikila uwa nsita yonsi?
Intazi zyaula ukwenekela ‘zikaponela umuntu ali wensi’ kumwi sile na acance kwene. (Kasa. 9:11) “Mutamanya nanti vino umi winu ulaya pa mutondo!” (Yako. 4:14) Fwandi, mutaleka ivintu vyuze vyamulesya ukulondesya ukuombela Leza. Lyonsi mwaomvya “kasita kasuma ka kuomba incito ikulu nupya ya mpomvu” likwene lino mucili ance. (1 Kol. 16:9) Ndi mwacita vivyo, mutalalanguluka foo.
Milimo imwi ino mungaombela Leza aei:
Kusimikila antu umu lulimi luze
Upainiya
Kuzanwa ku masukulu ya mulimo wakwe Leza
Mulimo wa makuule
Kuombela pa Betele
Mulimo wa kutandalila vilongano