VINO SWE INA KLISTU TWAAYA
Mwaya ni Miyele Ino Yeova Watemwa
Yeova wikako isunde pali vino antu yafwile kuya ni miyele isuma. Walanda ukuti umonsi na mama ndi yatwalana yatafwile kutaana. (Mate. 19:4-6, 9) Wapata misango ya upulumusi yonsi. (1 Kol. 6:9, 10) Wikako visinte vya masunde apa mizwalile ni milolekele ikapusanya antu yakwe ku ya mu nsi.—Malan. 22:5; 1 Tim. 2:9, 10.
Ndakai, antu aingi yasilondela masunde yakwe Yeova. (Loma 1: 18-32) Yakakonkelezya vino aingi yakacita pa mizwalile, kuiyemvya alino ni vicitwa. Aingi yakaiwanzya pa vicitwa vyao iviipe nu kulenga yauze yayakonkelezya muli vino yakacita.—1 Pet. 4:3, 4.
Swe ya Nte Yakwe Yeova, tufwile ukuya asipe nu kutwalilila kulondela masunde yakwe Yeova. (Loma 12:9) Tungacita uli vivyo? Tufwile kuombesya ukunenako yauze pakuti yamanye ivikazanzya Yeova. Nomba tufwile nu kutwalilila ukuya ni miyele isuma mu umi. Ndi cakuti mukusoolola vyakuzwala ni vyakuiyemvya, limwi cingaziipa kuyuzya ukuti: ‘Uzye vino nasoolola, vikulanga ukuti nkalondela masunde yakwe Yeova nanti vikulanga miyeele ya muno nsi? Uzye mizwalile yane na vino nkaiyemvya vikalanga ukuti nene Mwina Klistu akatiina Leza?’ Nanti icakuti tukusoolola vya kuizanzya nanti mafilimu akutamba, nalyo kwene tungayuzya sweineco tuti: ‘Uzye Yeova amatemwa vino nasoolola? Uzye ivilimo vikulanga miyeele ya musango cii? Uzye ivyakuizanzya vino natemwa vingonona miyeele yane isuma? (Masa. 101:3) Uzye vino nasoolola vingasosya ya lupwa nanti antu yauze?’—1 Kol. 10:31-33.
U mulandu ci uno cacindamila kutwalilila kuya ni miyeele isuma? Likwene sile Yesu Klistu ali nu konoona inko na ya kacita ya viipe. (Ezek. 9:4-7) Nupya yaayo akacita kulonda kwakwe Leza aalapusuka. (1 Yoa. 2:15-17) Lekini fwandi, tuye akome lino tukulondela amasunde yakwe Yeova pakuti yonsi akutulola, yalumbanya Leza.—1 Pet. 2:11, 12.
Uzye mizwalile yane ni milolekele vikalanga ukuti nakwata miyele ci?
TAMBINI VIDYO IKUTI UYE CUZE WAKO YEOVA—UMONSI WENGA MWANACI WENGA, ALINO MWASUKE MAUZYO YAA:
U mulandu ci uno cacindamila ukulondela masunde yakwe Yeova?
U mulandu ci uno avyazi yafwile ukutandika kusambilizya ana yao vino Yeova akalonda lino yacili ance?
Uzye acance na ikolo kwene, yangavwa uli antu kumanya usuma wakwe Leza?