Kampeni Iiyele Iya Kunena Antu Yonsi pa Wene Wakwe Leza Umu Novemba

Yesu wanenanga antu “ilandwe lisuma ilya Wene Wakwe Leza.” (Luka 4:43) Wasambilizye na antu ivyakupepela Uwene kwene uo. (Mate. 6:9, 10) Mu Novemba, tulaomba umulimo uiyele uwa kunena antu yonsi pa Wene Wakwe Leza. (Mate. 24:14) Mutantike ningo ivintu pakuti mukaombeko sana muli kampeni ii. Yapainiya ansita inono yangasoolopo ukuomba maawazi 30 nanti 50 umu mwezi kwene uu.

Mukaanenako antu aingi ilembelo ilikalanda pa Wene wakwe Leza mu cifulo cino mukasimikilamo. Lino mukusoolola ilembelo, inkoleelo mukaelenganya pali vino yano mukusimikilako yamanya ukulingana ni calici lino yakayako. Ndi cakuti umwi walangilila ukuti akulondesya ukusambilila pa muku wa kutandikilapo, mulinzile ukumupeela Ulupungu Lwa Mulinzi lwakwe Na. 2 2020. Lyene mukaaswililako zuwa, nupya mukaezya ukutandika ukusambilila Baibo nu muntu wiyo ukuomvya ulupapulo lumwi pa mpapulo izyaya pa Viombelo Vino Tukaomvya pa Kusambilizya. Kusiile sile kasita kanono ale Uwene Wakwe Leza onona mauteeko yonsi asiutungilila. (Dan. 2:44; 1 Kol. 15:24, 25) Fwandi, lekini tukaomvye ningo isyuko lii lyonsi liiyele uku kulanga ukuti tukatungilila Yeova nu Wene wakwe!