Mwakomelezyanya

Tukakomelezyanya ndi cakuti tukukwata insita iya kuya pamwi na ina na ya nkazi. Lelo kuli na vyuze vino tulinzile ukucita ukucila sile ukuya pamwi. Baibo ikatunena ukuti ukukomelezyanya i ca “upe ukufuma kuli Leza.” (Loma 1:​11, 12) Tungaomvya uli upe uu?

Mwalanda ivingakomelezya yauze. Wakwe, lino mukwasukapo pa kulongana mwacenjela pakuti mutaalanda sana pali vino mukwelenganya, lelo mwalanda pali vino mukusambilila pali Yeova, muli Baibo na pa yaomvi yakwe acisinka. Lino muli na aina na ya nkazi mwalanda pa vintu ivingakomya utailo wao.

Mwakomelezya yauze muli vino mukapingulapo na vino mukacita. Wakwe, yamwi yasoololapo ukutwalilila ukuomba umulimo wa nsita yonsi nanti cakuti citanguka, nupya cii cingakomelezya yauze. Yamwi nayo yakazanwa umu kulongana kwa mukasi ka mulungu lyonsi nanti cakuti yakalwalilila nanti ukutonta pa mulandu ni ncito ino yakaomba.

Uzye mukakomelezya aina inu na ya nkazi muli vino mukalanda nu kucita? Nupya uzye mukaika amano kuli vino aina na ya nkazi yakalanda nu kucita pakuti yamukomelezye?