Uzye Aina Klistu Yalinzile Ukutungilila Inkondo?—Uzye Baibo Ikalandapo Uli?

Wakwe vino itulola umu nkondo iikucitika uku Ukraine, intunguluzi zya mu mipepele ya Ina Klistu zikukomelezya antu uku tungilila inkondo. Lolini vino ya simapepo ya kutungilila inkondo konsi koili:

• Simapepo umwi uwi zina lyakuti Epiphanius I uwa mu Kyiv walanzile muli lipoti iya pa Maci 16, 2022 iyali muli nyunzipepa yakuti The Jerusalem Post, watiile: “Tukupeela umucinzi nu kutaizya sana asilika itu vino ya kucingilila impanga ya Ukraine ku yalwani . . . Tukumwelenganyapo lyonsi, ku mupepelako, alino nu kumitungilila.

• Pa nyunzi imwi ya pa Epuleo 3, 2022, yalanzile ukuti: “Mukalamba wa ceica cakwe ya Orthodox umu Russian wapekinye puloglamu iiyele iya ku ceici pa Mulungu kuno wakomilizye asilika Aina Russia ukuti yacingilile impanga yao lino yakutwalilila ukulwisya impanga ya Ukraine.”

Uzye Aina Klistu yalinzile ukulwako inkondo? Uzye Baibo ikalandapo uli?

Vino Baibo yene yalandapo

Baibo ikalanda ukuti alondezi yakwe Yesu Klistu acumi yasilwako inkondo.

• • “Swilizya ulupanga lwako muno lukaikala, pano yonsi aakaomvya ulupanga yalafwila uku lupanga.”—Mateo 26:52.

  Uzye umuntu aakatungilila nanti ukulwako inkondo mungati umu cumi akauvwila amazwi yano Yesu walanzile?

• “Nkumupeela isunde lipya ilyakuti mwatemwana; wakwe vino namutemwa, avino namwe kwene mwatemwana. Nga mukutemwana, alino yonsi yalamanya ukuti mwemwe yasambi yane.”—Yoani 13:34, 35.

  Uzye umuntu aakatungilila inkondo akalanga ukutemwa kuno Yesu walanzile ukuti u kukamanyisya asambi, nanti alondezi yakwe?

Pakuti mumanyilepo na vyuze, lolini cipande cakuti “Uzye Aina Klistu Yakalwako Inkondo?”

Uzye Aina Klistu yalinzile ukulola uli inkondo ndakai?

Uzye caya sile ningo Aina Klistu ukukanalwako inkondo ndakai? Ee. Baibo yasoowile ukuti umu manda itu, aakaamwa nu kuti “manda akusyalikizya,” kulaya antu ukufuma umu nko zyonsi, yano ‘yatalasambilila ivya nkondo.’—Ezaya 2:2, 4.

• Pakuti mumanyilepo na vyuze Belengini cipande icikaya pa Vipande Vya Malyasi icakuti “Uzye Leza Akalola Uli Inkondo?”

Likwene sile Yeova,a “Leza wa mutende,” alaomvya uteeko wakwe uwa kwi yulu ukupususya antu yakwe “kuli yayo akayacuzya nu ku unkalwe.”—Filipi 4:9; Masamu 72:14, NWT.

• Pakuti mulole vino Leza alacita vivyo, tambini vidyo yakuti Uzye Uwene Wakwe Leza I Cani?