Uzye Ivyangalo Vingalenga Antu Ukuya Alemane?—Uzye Baibo Yalandapo Uli?

Catunganyiziwa ukuti antu 5 bilyoni yalatamba ivyangalo ivilayako umu 2024 icisanya, antu ukufuma umu mpanga 206 aalaya umu vyangalo vii. Thomas Bach, aakatungulula akaungwe ka International Olympic Committee walanzile ukuti. “Vino tukacita vyaya pa vintu ivikalenga antu ukuya alemane nupya vikaleta umutende. Lekini tutungilile ivyangalo vii ivikatulenga ukuya amutende nupya alemane asi mulandu tutaya icili cimwi.”

Uzye ivyangalo vingalenga antu ukuya amutende nupya alemane? Uzye kulatala kuye umutende wa cumi cumi alino nu kulemana?

Uzye ivyangalo vilalenga kuye ukulemana nupya amutende?

Ivyangalo vya mwaka uu ivilenga antu ukulaelenganya pa vintu ivingi. Ivyangalo ivyaliko vyalanzile sana pamikalile alino ni vikanza vyamitekele ivikalenga antu ukupatukana. Ivintu vimwi vino yalandangapo insambu zya yantu, kapatulula kankanda alino nu lufyengo.

Ivyangalo vya musango uu vikazanzya antu. Nanti ciye vivyo vyangalo vii vikalenga antu ukukwata kapatulula, cii cikalenga ukuti umutende alino nu kulemana vitatwalilila.

Baibo yasoowile pa miyele imwi iyalenga citale sana ukuya alemane ndakai. (2 Timoti 3:1-5 ) Pakuti musambille na vyuze pa usemo uu belengini icipande cakuti “Did the Bible Predict the Way People Think and Act Today?”

Upaalilo wakuti kulaya umutende nu kulemana umunsi

Muli Baibo mwaya upaalilo wakuti kulaya umutende nu kulelamana umunsi yonsi. Antu yalaya alemane umunsi yonsi lino uwene wa kwiyulu ulateka ukaamwa kuti “Wene wakwe Leza.”— Luka 4:43; Mateo 6:10.

Umwene wa wene uu Yesu alalenga ukuti kuye umutende konsi. Baibo yalanda ukuti:

• “Alungami yalavula, Nupya kulaya sana umutende.”—Masamu 72:7.

• “Alapususya umupiina aakuleenga uwazwilizyo. . . Alayapususya uku yantu aakayacuzya nu ku yankalwe.”—Masamu 72:7.

Na ndakai kwene vino Yesu akasambilizya vyalenga antu umu mpanga 239 ukuya alemane. Ya Nte Yakwe Yeova umunsi yonsi yasambilila ukuya alemane. Pakuti mumanyilepo na vyuze belengini Lupungu Lwa Mulinzi ulwakuti “Breaking the Cycle of Hatred.”