Uzye caya Sile Ningo Ukupalika?

Vino Baibo yalandapo

Pa nsita imwi, Leza wazumilizye umonsi ukukwata ya mama kuluta pali wenga. (Utandiko 4:19; 16:1-4; 29:18-29) Nomba kutaali u kulonda kwakwe Leza ukuti kuye impali. Wapeezile Adamu umuci wenga sile.

Leza wapeezile Yesu amaka ya kusambilizya antu cipya cipya api sunde lya kutandikilapo ilya kukwata sile mama wenga. (Yoane 8:28) Lino Yesu yamuzizye pa cupo, waswike ati: “Uzye mutawelenga vino pa utandiko Leza wayaumvile umonsi nu mwanaci? Nupya wavwanzile ati, ‘Pa mulandu ukwene, umonsi alasya isi na nyina nu kuilundanya ku muci wakwe. Lyene oili yalaya umwili onga.”—Mateo 19:4, 5.

Umupasi wakwe Leza watungulwile mutumwa umwi wakwe Yesu kulemba amazwi yakuti: “Umonsi wensi alinzile akwate muci wakwe, nga nu mwanaci wensi alinzile akwate iya wakwe.” (1 Kolinto 7:2) Baibo nupya ikalanda pa monsi wensi uwapeelwa milimo iiyele mu cilongano ukuti “alinzile kukwata umuci wenga.”—1 Timoti 3:2, 12.