Uzye Mukazumila Ukumilwazya Uku Vipatala?

Ee, Ya Nte Yakwe Yeova yakapoka imilembo napya yakazumila nu kulwaziwa. Tukaisakamala nu kwezya ukusunga uumi witu ningo, lelo insita zimwi tukalonda na dokota. (Luka 5:31) Napya wakwe vino cali kuli Luka uwali mu cilongano ca Ina Klistu ya kutandikilako, ya Nte Yakwe Yeova yamwi aa dokota.—Kolose 4:14.

Lelo, kwaya imilwazizye iikatama masunde ya muli Baibo, napya iyo yene tukakana. Wakwe ukwikilwa uwazi, kwene tusizumila pano Baibo yalesya ukulya uwazi. (Milimo 15:20) Baibo yalesya ni milwazizye umwaya ukuomvya ivya mipasi.—Galatiya 5:19-21.

Lelo kwene, imilwazizye iingi isitama masunde ya muli Baibo. Acino fwandi cila muntu angaisolwela. Limwi imilwazizye ino Nte umwi angazumila, Nte muze nawe angaikana.—Galatiya 6:5.