4. Uzye Twaumvilwe Ukuti Twacula?

Umulandu Uno Cacindamila

Icasuko ukwi uzyo lii cakuma vino tukalola umi.

Vino Mulinzile Ukwelenganyapo

U mulandu ci uno Leza u waumba ivintu ivisuma angalenga ukuti twacula?

Antu asipepa yakalola ukucula ngi inzila yakumanyilamo vino Leza waya—nanti nga akuno waya. Yazumila ukuti ukucula u kukalangilila ukuti: (1) Leza aatakwata amaka ya kulesya ucuzi, (2) Leza asilonda ukufumyapo ucuzi, nanti (3) Leza kutaya.

Uzye ii ali milandu sile iyacumi iikalenga ukuti antu yacula?

Vino Baibo Ikasambilizya

Leza atatuumvwile ukuti twacula.

Akalonda ukuti twaipakizya umi.

“Acino nilwike ukuti cino swemo tungacita ukukwata insansa nu kuomba vino tungaomba lino tucili nu umi. Swensi tulinzile ukulya nu kumwa nga nu kuilyokezya pa vintu vino twaombela. Vyonsi vii uwila wakwe Leza kunotuli.”—KASAMBILIZYA 3:12, 13.

Leza wapeezile antu ya kutandikilapo yaili vyonsi vino yalondekwanga pakuti yatacula.

Ataumvile antu ya kutandikilapo pamwi na ana yao ukuti yacula.

“Nga Leza ayapolelela, ayanena ati: “Muvyalane muvule mulimbe insi yonsi nu kuyangalila.”—UTANDIKO 1:28.

Antu ya kutandikilapo yaili yatuvwilile Leza.

Ni cafumilemo icakuti yailetiile macuzi pamwi na ana yao kwene.

“Iifyo lingile muno nsi pa mulandu wa muntu wenga, nga ni iifyo lyakwe ilyaleta imfwa. Caleka, imfwa nayo yasalangine mu antu yonsi pano antu yonsi iifizye.”—LOMA 5:12.a

Leza atatuumba ukuti twaitungulula.

Wakwe vivi kwene vino umuntu ataumvilwe ukuti aikala umu manzi, ali vino atanga aitungulule.

“Kusi umuntu uwakwata amaka apa umi wakwe.”—YELEMIYA 10:23.

Leza asilonda ukuti twacula.

Akalonda ukuti twaicingilila uku ntazi ukufika pano tungapezya.

“Mwemo ndi cali cakuti mwasumbisya amano ku masunde yane, ulongo lwinu lungaya wa luzi ulukapita lyonsi sile.”—EZAYA 48:18.