Mungaya na Mano
“Amalembo yonsi yafuma kuli Leza.” (2 Timoti 3:16) Umu cikomo cii, izwi lyakuti “yafuma” likalangilila ukuti Leza wa Maka Yonsi u wisile amelenganyo yakwe muli ya kalemba yakwe Baibo.
Leza Akalonda Ukuti Amisambilizye
“Neene indi Yawe [Yeova] . . . akamusambilizya vyakuti vya muzipila. Nkamutungulula umu nzila ino mulinzile kupita mwenemo. Mwemo ndi cali cakuti mwasumbisya amano uku masunde yane, ulongo lwinu lungaya wa luzi ulukapita lyonsi sile, nu kucimvya kwinu kungaya wa mayimbi akaipumola ku cituntu cakwe yemba.”—EZAYA 48:17, 18.
Mwalola ukuti Leza akulanda amazwi yaa kuli mwemwe kwene. Akalonda ukuti muye nu mutende umu melenganyo ni nsansa amanda pe, nupya angamwazwa ukukwata ivintu vii.
Namwe Kwene Mungasambiliziwa na Leza
“Ilyasi lisuma lilatala lisimikilwe uku yantu amu nko zyonsi.”—MAKO 13:10.
Umwi “lyasi lisuma” mwaya na vino Yeova walaya ukuti alafumyapo ukucula, kulenga insi ukuya paladaise, alino nu kutuutulula atemwikwa itu afwa. Ya Nte Yakwe Yeova yakasimikila ilyasi lii lisuma ilya muli Baibo umu nsi yonsi.