Ivili mu Ciputulwa 12

Yesu wasambilizyanga antu pa Wene uwa kwi yulu. Nupya wayasambilizyanga ukulapepa ukuti izina lyakwe Leza liciindikwe, Uwene wakwe wize, nu kuti ukulonda kwakwe kucitike pano nsi. Nga mwemwe avyazi, londolwelini umwana winu vino ipepo lii lyacindama kuli sweswe. Yesu atazumilizye Satana ukumulenga ukuti ate ukuuya na ucisinka. Yesu wasoolwile atumwa yakwe, nupya izile iyaya aakutandikilako ukuya umu Wene wakwe. Lolini vino Yesu watemilwe ukupepa kwa cumi. Pa mulandu wakuti Yesu walondanga ukwazwa yauze, wapozyanga alwale, kuliisya aali ni inzala, nu kutuutulula afwe. Vizungusyo vyonsi vino wacisile, vyalangililanga vino Uwene ulacitila antunze.