Icumi pa Wene Wakwe Leza
Yesu wasambilizye alondezi yakwe ukupepa ati: “Tata witu uwa mwi yulu, izina lyako licindikwe, Uwene wako wize, kulonda kwako kucitike pa nsi vino kukacitika mwi yulu.” (Mateo 6:9, 10) Uzye Uwene Wakwe Leza i cani? I vyani vino ukacita? U mulandu ci uno tulinzile kupepela ukuti wize?
Yesu Ali Mwene wa Wene Wakwe Leza.
Luka 1:31-33: “Ulamutemela izina uti a Yesu. Alaya mukulu nupya alaamwa Umwana wakwe Leza uwa papelapela, Mwene Leza alamupeela uwene wakwe Davidi cikolwe cakwe, nawe alaya umwene wa ina Izlaeli pe na pe. Uwene wakwe utalatala uwe.”
Yesu wasimikilanga sana pa Wene Wakwe Leza.
Mateo 9:35: “Lyene Yesu apitana mu misumba nu mu mizi yonsi kwene, ino yali pipi na yemba uwaku Galile. Wene asambilizya mu mang’anda ya mapepo nu kukosola Ilandwe Lisuma lya Wene wakwe Leza, nu kupozya indwala zya misango yonsi, ni ndema.”
Yesu wapeezile alondezi yakwe cimanyililo ca kuyazwa kumanya ukuti Uwene wakwe uli umupipi.
Mateo 24:7: “Inko zilakatukilana, na mawene yalakatukilana. Kulaya vipowe ni vilundumusi mu ncende zimwizimwi.”
Alondezi yakwe Yesu yakasimikila pa Wene umu nsi yonsi.
Mateo 24:14: “Ni Landwe Lisuma lii lya Wene lilakosolwa mu nsi yonsi kuya umboni ku antu amu nko zyonsi, alino mpelelekezyo iliiza.”