Uzye Baibo Ikalandapo Uli?

Uzye Uwene Wakwe Leza i cani?

ANTU YAMWI YAZUMILA ukuti Uwene Wakwe Leza ukaimililako sile cintu cimwi icaya umu mwenzo wa muntu; yauze nayo yakati u kuombesya kwa yantunze ukwakuleta umutende alino nu kutemwana umu nsi yonsi. Uzye mwemo mwamanyapo uli?

VINO BAIBO IKASAMBILIZYA AEVI:

“Leza wa kwiyulu alakatusya uwene uno utalatala wononwe. . . .ulonona amawene [a yantunze] yonsi.” (Danieli 2:44) Uwene Wakwe Leza u teeko wa cumi cumi.

NAVYUZE VINO TUKASAMBILILA MULI BAIBO

• Uwene Wakwe Leza ukateeka umwi yulu. —Mateo 10:7; Luka 10:9.

• Leza akaomvya Uwene kwene uu pakuti ukulonda kwakwe kucitike umwi yulu na pano nsi.—Mateo 6:10.

Uzye a lilaci lino Uwene Wakwe Leza uliza?

UZYE MUNGATUULI?

• Kusi uwamanya

• Likwene sile

• Citanga cicitike

VINO BAIBO IKASAMBILIZYA AEVI:

“Ni landwe lisuma lii lya Wene lilakosolwa mu nsi yonsi kuya umboni ku antu amu nko zyonsi, alino mpelelekezyo iliiza.” (Mateo 24:14) Ndi cakuti ilandwe lya Wene lyakosolwa sana, lyene alino Uwene uliza usisye iviipe vyonsi ivyaya muno nsi.

NAVYUZE VINO TUKASAMBILILA MULI BAIBO

• Kusi nanti awenga uwamanya lino Uwene Wakwe Leza uliza.—Mateo 24:36.

• Usesemo uwaya muli Baibo ukalangilila ukuti Uwene wasya wize likwene.—Mateo 24:3, 7, 12.