KUSWILILAKO
SAMBILILO 7
Mwatwalilila Ukwazwa Antu
Cisinte ci sunde: “Nupya cila wanda yasambilizyanga nu kusimikila ilyasi lisuma.”—Milimo 5:42.
Vino Paulo Wacisile
1. Tambini VIDYO, nanti belengini Milimo 19:8-10. Alino mwasuke amauzyo alondelelapo:
Ukucila ukutoovoka pali vino yamwi yamukanyanga, uzye Paulo watwalilile uli ukwazwa yayo alondesyanga ukusambilila?
Uzye Paulo waswilile imiku yinga kuli yayo alondesyanga ukusambilila, nupya wacisile vivyo pa myaka inga?
I Vyani Vino Tukusambilila Kuli Vino Paulo Wacisile?
2. Tulinzile ukuombesya nu kuswilila kuli yano twasimikileko pakuti tutandike ukusambilila nayo Baibo.
Mwakolanya Paulo
3. Mwaitemelwa ukuya uku muntu pa nsita ingamuzipila. Muyuzye mweineco muti: ‘Uzye insita ci nupya uwanda ci uno angatemwa ukuti tukalanzyanye? Uzye alilaci lino alakwata insita?’ Mwaitemelwa ukuyako nanti icakuti insita iyo itange imizipile.
4. Muzyini lino angatemwa ukuti mukalanzyanye nupya. Pa cisila cakumala ukulanzyanya, mwaezya ukumuzya uwanda ni nsita lino mulaya mukalanzyanyepo. Mwasininkizya ukuti mwaswililako pa nsita nu wanda vino mwazumilizyanyizye.
5. Mwatwalilila ukutaila ukuti umuntu angasambilila. Mutaelenganya ukuti umuntu atatemilwe ndi cakuti musikumuzana pa ng’anda nanti mwazana atapamviwa. (1 Kol. 13:4, 7.) Lelo, mwatwalilila ukulonda antu nupya mwaomvya ningo insita.—1 Kol. 9:26.