Mwateeka Umwenzo

Vino Yesu Wacisile

VIDYO: Yesu Watateeka Umwenzo Lino Akwazwa Umwina Wakwe

1. Tambini VIDYO, nanti belengini Yoani 7:3-5 na 1 Kolinto 15:3, 4,7. Alino mwasuke mauzyo alondelelapo:

1. Uzye aina yakwe Yesu yacisile uli lino wayasimikile?

2. Uzye Yesu walangilile uli ukuti watwalilile ukwazwa Yakobo umwina wakwe?

I Vyani Vino Tukusambilila Kuli Vino Yesu Wacisile?

2. Tukalondekwa ukuya ateekele pano pakapita insita itali pa kuti yamwi yazumile ilyasi lisuma lino tukuyasimikila lelo yamwi yene yakazumila zuwa.

Mwakolanya Yesu

3. Mwaezya inzila zipusanepusane. Ndi cakuti umuntu atazumile ukutandika ukusambilila Baibo papo kwene sile, mutamupatikizya. Lino calinga, mwaomvya mavidyo nanti vipande pa kumwazwa ukumanya ivikacitika pi sambililo lya Baibo na vino angaipakizya.

4. Mutayalinganya kuli yauze. Antu ya pusanapusana. Ndi cakuti umwi wa mu lupwa nanti wino twaswililako akusitooka ukutandika ukusambilila Baibo nanti yakukana ukuzumila icumi ca muli Baibo, mwamanya icikulenga. Uzye kwayako ivizumilo vimwi ivya mu mipepele vino wacindika sana? Uzye yakamucuzya kuli ya lupwa nanti ya cuza yakwe? Mwaleka akwata insita iyakwelenganya pali vino imumunena nu kutaizya pali vino Baibo ikalanda.

5. Mwapepelako yayo akulondesya ukusambila. Mwalenga Yeova amwazwa ukutwalilila ukwelenganya ivisuma pali yano mukusimikilako nu kuya acenjele. Mwapepa kuli Yeova pakuti amwazwa ukumanya lino mulinzile ukuta ukuya ku muntu asikulonda ukusambilila.—1 Kol. 9:26.