Uzye Baibo Ikalandapo Uli?

Uzye antu aapanzile imipepele?

ANTU YAMWI YAKATI antunze aaliyo yaipangiile sile imipepele; lelo yauze nayo yakaelenganya ukuti Leza akaomvya imipepele ukwazwa antu ukupalama kuli aliwe. Uzye mwemo mwamanyapo uli?

VINO BAIBO IKASAMBILIZYA AEVI:

Kwaaya “upefi uno Leza Tata akalola ukuti u wa mpomvu.” (Yakobo 1:27) Upefi wa mpomvu nanti uwa cumi wafuma kuli Leza.

NAVYUZE VINO TUKASAMBILILA MULI BAIBO

• Pakuti upefi wazanzya Leza, ufwile wasambilizya icumi icaaya muli Baibo.—Yoane 4:23, 24.

• Mipepele iikasambilizya masunde ya untunze, i ya sile-sile.—Mako 7:7, 8.

Uzye umuntu afwile ukukwata icilongano ukwa kuya umu kupepa?

UZYE MUNGATUULI?

• Ee

• Awe

• Limwi

VINO BAIBO IKASAMBILIZYA AEVI:

“Lekini twasakamala nu kwazwana nu kutemwa kucita visuma. Tutata kukongana pamwi kulingana nu mwata witu.” (Ayebulai 10:24, 25) Leza akalonda akamupepa kulalongana capamwi umwi uvi.

NAVYUZE VINO TUKASAMBILILA MULI BAIBO

• Yonsi aakapepa Leza yalinzile ukuombela pamwi.—1 Kolinto 1:10, 11.

• Antu aaya umu upefi ukazanzya Leza, yatemwana umu nsi yonsi.—1 Petulo 2:17.