Mungaomvya Mazwi Yaa

Pa Kwama Antu ku Ciusyo

“Tukupeela antu utupeepala tuu kuti tuyame uku kulongana kuiyeele. Apa Mande pa 14 Epulelo, antu aingi cuze umu nsi yonsi yalakongana uku kwiusya imfwa yakwe Yesu Klistu, nu kwizauvwa ilyasi lya Baibo ililalanda pali vino imfwa yakwe Yesu ikatwavwa. Kusiiya ukulipilisya. Lyene akapepala kaa kakulangizya icifulo ukulayela Iciusyo alino ni insita.”

Ulupungu lwa kwa Kalinda Epulelo 1

“Tukutandalila anji kuti tulanzyanyeko nayo panono apa cintu cimwi icaseeka sana. Apipi sile na antu yonsi yakapepa kuli Leza. Uzye vwilini Leza aka-asuka mapepo, nanti uzye amapepo yayelako sile uku kutusansamusya ndi tuli ni intazi? [Lekini asuke.] Lekini imulangeko vino Baibo ikalanda api pepo. [Welengini 1 Yoane 5:14.] Lyene mangazini wii akulangizya cino caziipila ukupepa kuli Leza.”

Loleni! Maaci–Epulelo

“Uzye namwe mukuzumila ukuti indupwa izingi zyaya sana ni ntazi ndakai? [Lekini asuke.] Lekini imulangeko vino ipinda limwi ilya muli Baibo likati i vingavwa antu ukuya ni nsansa umu lupwa. [Welengini Mapinda 24:3.] Antu aingi yazumila ukuti muli Baibo u mwaya masunde ampomvu aangazwa indupwa zyao. Mangazini wii akulanda sana pali adelesi umwi uwa pa Intaneti umusuma cuze uwaya ni vyeo vya muli Baibo ivika-azwa antu pakuti yaaya ni nsansa umu lupwa. Kutaaya nu kulipila pa kuwelenga ivyeo vivyo.”