Mungaomvya Mazwi Yaa

Pa Kwama Antu ku Ciusyo

“Tukupeela antu kapepala kaa pakuti yace yazanwe uku cintu cicindamisye sana icilayako pa 3 Epulelo. Pa wanda kwene uu, antu aingi umu nsi yonsi yalakongana ku kwiusya imfwa yakwe Yesu Klistu nu kuvwa ilyasi lya Baibo ililalanda pali vino imfwa yakwe Yesu yatwazwa. Fwandi kapepala kaa, kakumulanga insita alino ni cifulo kuno tulalonganila.”

Lupungu lwa Mulinzi Maaci 1

“Pa 3 Epulelo ali pano antu yalakongana ku kwiusya imfwa yakwe Yesu Klistu. Antu yamwi umu ncende kwene yii yalalongana ku Ciusyo pa wanda kwene uu, lelo kwaya yamwi asyaelenganya ukuti imfwa yakwe Yesu yali icindame. Nga mwemo mwamanyapo uli? Uzye mukaelenganya ukuti i cacumi imfwa yakwe Yesu nu kututuluka kwakwe vingatwazwa? [Lekini yasuke.] Uvwini vino Baibo ikalanda pi lyasi kwene lii. [Welengini 1 Kolinto 15:22, 26.] Magazini yii ikulanda pali vino imfwa yakwe Yesu ilatwazwa uku nkoleelo lino tulaikala kwaula ukufwa.”

Loleni! Maaci

“Tukutandalilako anji pa nsita sile iinono pakuti tuyalangeko ivili muli Loleni! yii ipya. [Yalangini pa nkupo.] Cila muntu wamanyapo vimwi pi uzyo lii lyakutandikilapo ilikuti: ‘Uzye Leza Akuno Waya?’ Uzye mwemo mungati aaweni aamanya ningo vino ivintu vilaya ku nkoleelo, uzye a yayo ataila Leza nanti atamutaila? [Lekini yasuke.] Uvwini ulayo uno Leza walaya uwalenga antu aingi sana ukuya nu utailo. [Welengini Masamu 37:10, 11.] Magazini yii ikulondolola ivintu 4 ivingalenga twalondesya ukumanya ndi cakuti Leza akuno waya.”