“Ntatala Namuzanapo Nupya!”

Uzye mwatala mwalandapo amazwi ya musango uu pa muntu umwi uwalolekanga ukuti akulondesya ukuvwa? Nanti cakuti miku iingi mwezya ukuswilila uku muntu wiyo, mwafilwa ukukontelela imbezu zya cumi zino mwakomiile. (1 Kol. 3:6) Insita zimwi ya kasimikila aakaomba ningo, ndi cakuti yafilwa ukuzana wino yasimikiile, yakamulembela kalata, nanti ukusya kamwi pa mulyango akakuti aize amanyileko ukuti yali yiza. Ya kasimikila yamwi yakaelenganyizizya limwi ukuti, limwi yatalazana wino yasimikiile, fwandi ndi cakuti muntu wiyo wakwata foni, yakapokela calimwi inambala, nu kumuzya ndi cakuti cingaya sile ningo ukumutumila meseji? Tungapenda ukuti twacisile icipempu ndi cakuti twatandalila umuntu wino twasimikiile, nanti ndi twamulembela kalata, ukumutumila e-mail, kumutumila meseji, kumusiila kamwi pa mulyango, nanti ukumutumila foni. Nanti cakuti asi-ikalana pa ng’anda, tungamwazwa ukuti atwalilile ukulonda ukumanyilapo navyuze.