KUOMBA NINGO UMU MULIMO
Kuipekanyizizya Amazwi Aakuomvya pa Kupeela Antu Magazini
CINO CACINDAMILA: Nanti cakuti umu kabuku kakuomvya pa kulongana mukaya amazwi asuma yano tungaomvya pa kupeela antu ya magazini, amazwi yaayo aakutwavwa sile. Mulinzile ukuiomvezya amazwi inu. Limwi kungaya inzila isuma ino mungalanzyanyizizyamo nu muntu nanti mungasoolola ilyasi lyuze lino mukulola ukuti antu aya ku ncende iiyo yangatemwa. Ndi cakuti ali vino mungacita, inkoleelo mulinzile ukuwelenga ivili muli magazini, ukwelenganya apa mazwi akuomvya yano iyalangilila, nupya mulinzile nu kutamba kavidyo akakulangilila ivya kupeela antu magazini, ndi mwamala ukucita vivyo, lyene mungacita vii ivili apisika pakuti mupekanye amazwi yano mungaomvya mweineco.
VYA KUCITA:
Mulinzile ukuyuzya ukuti, ‘Uzye ningatemwa ukuomvya amazwi yamwi pali yaa aakutulangilila ivyakucita?’
EE
Pekanyini amazwi akutandikilapo ukulanda. Lino mwalamukana, mumunene cino muiliile. (Limwi mungati: “Niza pakuti . . . ”)
Elenganyini pali vino munguuzya iuzyo pakuti muwelenge ilembelo nu kumupeela ulupapulo. (Limwi pa kuwelenga ilembelo mungalanda muti: “Uvwini vino Baibo ika-asuka iuzyo lilyo api lembelo lii.”)
AWE
Soololini ilyasi limwi muli magazini lino mungatemwa nupya lino na antu aya mu cifulo cinu yangatemwa
Soololini iuzyo ilyangupale lino munguuzya ilingalenga mutandike ukulanzyanya nu muntu. (Limwi mungamuzya iuzyo ukufuma pa mauzyo aakaya apifwa 2 muli ya magazini.)
Soololini ilembelo ilya kuwelenga. (Ndi cakuti mukupeela antu Loleni! nga mukulonda mutanga muwelenge ilembelo, pa mulandu wakuti magazini ii yakapangila antu aakuti yatamanya sana vino Baibo ikalanda nupya limwi yatataila ni mipepele.)
Londololiniko panono pali vino cipande cili muli magazini cima-avwa umuntu wino mukusimikila
VYONSI VYOILI
Pekanyini iuzyo ilya kuuzya pakuti mukasuke lino mulaswililako
Lembini amazwi yano mwapekanya pakuti mwaiusya vino mungaya mukalande lino mwaya umu kusimikila