Kampeni Iya Kwama Antu Uku Ukongano wa Citungu

Cila-mwaka tukalondesya ukuya uku ukongano wa citungu kuno tukailyokezya ukusambilila Izwi Lyakwe Leza. Acino fwandi tulaama antu aingi ukuti yakazanweko pakuti nayo yace yayuvwile aeneco usuma wakwe Yeova. (Masa. 34:8) Ya eluda yalapekanya vino ya kasimikila yalaomba pakuti yakapeele antu utupepala utwa kuyamilapo uku ukongano.

IVINTU VINO MULINZILE UKWIUSYA

• Uzye ukongano wa citungu uno ndalonganako ulayako lilaci?

• Uzye a lilaci lino kampeni ilatandika uku cifulo citu?

• Uzye a lilaci lino tukakomaana ukuya umu kusimikila?

• Uzye i vyani vino inkulondesya ukuomba muli kampeni?

• Uzye aaweni yano inkwelenganya ukwama?

VINO MULAALANDA

Nga mwalamukana nu muntu, limwi mungati:

“Swe ya Nte Yakwe Yeova umu nsi yonsi, tukupeela antu akapepala kaa aka kuyamilapo uku ukongano uliko umwaka uu. Insita, amanda, nu kulayela ukongano, vyonsi vili pa kapepala kwene kaa. Tulatemwa sana ndi cakuti mwaca mwiza.”

UKWAVWA AKULONDESYA UKUSAMBILILA

Nanti cakuti tukulondesya ukwama antu aingi uku ukongano, tufwile ukwikako sana mano ndi cakuti twazana aakulondesya ukusambilila Baibo.

Apa mpela ya milungu, mungapeela antu magazini capamwi na kapepala ka kuyamilapo.