Ivya Kuomvya Ibuku Lyakuti Uzye Baibo Ikatusambilizya Vyani?

Ibuku lyakuti Baibo Ikatusambilizya ni lyakuti Vino Baibo Ikasambilizya yakolana. Mabuku yaa yoili yakaomviwa icili cimwi, kulikuti kusambilizya icumi. Lelo, ibuku lyakuti Baibo Ikatusambilizya lyakwata mazwi angupale nupya ayuvwike. Cino ibuku lii lyapangilwa, u kwavwa antu atanga yuvwikisye ivyeo ivyaya umwi buku lyakuti Vino Baibo Ikasambilizya. Ibuku lyakuti Baibo Ikatusambilizya, lyene litakwata ciputulwa cakuti vyeo na vyuze, lelo lyakwata ciputulwa cakuti vyeo vya ku mpela icikalondolola upiliulo wa mazwi yamwi atale yano iyalandwapo umu cipande kwene cico. Ivipande ivyaya umwi buku lii, vitakwata mauzyo akaya apakutandika kwa cipande nanti kambokosi ka kupitulukamo. Lelo, cila cipande cikasyalikizya ni vyeo ivikaya pa kamutwe kakuti, Visinka Vino Twatitusambililamo akakalondolola icumi ca muli Baibo pali vino ivilandwapo umu cipande kwene cico. Wakwe vivi kwene vino tukacita ukwi buku lyakuti Vino Baibo Ikasambilizya, ni buku kwene lii tungapeela antu insita ili yonsi nanti cakuti asi lino tukupeela umu mwezi uwo. Lino tukutungulula isambililo, tungaomvya uli Ivyeo Vya ku Mpela alino ni Visinka Vino Twatitusambililamo ivyaya umwi buku lyakuti Baibo Ikatusambilizya?

VISINKA VINO TWATITUSAMBILILAMO: Ilingi, swensi kwene ndi tukutungulula isambililo kuomvya ibuku lyakuti Vino Baibo Ikasambilizya, tukawelenga palagalafu nga alino ituzya iuzyo. Nomba limwi kungaya umusambi uwakuti atamanyikisya sana ululimi luno tukuomvya nanti limwi asiwelenga ningo. Ndi cakuti caya vivyo, mungasoololapo ukuomvya ibuku lyakuti Baibo Ikatusambilizya. Limwi mungaasambilila sile pa vyeo ivili umu kamutwe kakuti Visinka Vino Twatitusambililamo nupya limwi mungamukomelezya ukuti akaiwelengele umwineco ivili umu cipande. Mungaaomvya sile amamineti umupiipi na 15 pa kusambilila icisinka conga na conga ivili pa mpela ya cipande. Pa mulandu wakuti umu visinka ivyativisambililwamo musiya ivyeo ivingi ivyaya umu cipande, wino akusambilizya alinzile ukupekanya ningo nu kwelenganya pa vyeo ivingavwa umusambi. Nomba ndi cakuti mukusambilila ukuomvya ivyeo ivya mu cipande, lyene umu kamutwe kakuti Visinka Vino Twatitusambililamo, mungapitulukamo sile.

VYEO VYA KU MPELA: Amazwi aaya umu ciputulwa cii yatantama kulingana na vino vipande vyakonkana. Aakusambilizya aliwe angasoolola ndi cakuti yangalanzyanya ivyeo vii nu musambi lino yakusambilila nanti foo.