VINO SWE INA KLISTU TWAAYA

Vino Leza Akatusambilizya Vikatwavwa Ukukanaya na Kasoozi

Leza ataya na kasoozi. (Mili. 10:34, 35) Wene watemwa antu amu “nko zyonsi, mu mitundu yonsi ya antu, mu misango yonsi ya antu nu mu ndimi zyonsi.” (Umbw. 7:9) Fwandi ali cino umu cilongano ca Ina Klistu mutayela ulupato nanti kasoozi. (Yako. 2:1-4) Tukataizya sana pali vino Leza akatusambilizya, tukaipakizya umutende pano tukalola vino antu yakasenula imiyele yao. (Eza. 11:6-9) Ndi cakuti tukwezya na maka ukusenka uku miyele ili yonsi ingalenga tuye na kasoozi, cilalenga twakolanya Leza.—Efes. 5:1, 2.

Ya Johny na ya Gidyoni yali pa Ng’anda ya Wene yakuzengela acance

**TAMBINI VIDYO IKUTI YA JOHNY NA YA GIDYONI: MPITI YAPATIINE, LELO NDAKAI YATEMWANA SANA. LYENE MWASUKE MAUZYO YAA:**

U mulandu ci uno tungalandila ukuti vino Leza akatusambilizya vyacindama ukuluta vino antunze yakalola ukuti ivingamala ulupato?
Uzye i cani cikamuzanzya ndi mwalola aina itu umu nsi yonsi?
Uzye Yeova akacindikwa uli ndi cakuti lyonsi tukuvwana na Ina Klistu yanji?