Nanti icakuti cimulo ca Ucilo citalangililanga ivyali nu kulacitika pa kuzevya Iciusyo, ivingi ivyacitikanga pa kuzevya kuu vyakwata sana upiliulo ndakai. Mutumwa Paulo wamile Yesu ukuti “Mwana wa mfwele uwa ucilo.” (1 Kol. 5:7) Wakwe vivi kwene vino uwazi wa mfwele uno yasansile pa mulyango wali nu kupususya antu, avino nu wazi wakwe Yesu wali nu kupususya antu. (Kufu. 12:12, 13) Nupya kutaali kuvuna ifupa nanti a lyonga ilya mfwele ya ucilo. Vikwene avino cali na kuli Yesu, nanti icakuti wafwile imfwa iipe, kutaali nanti ifupa lyakwe ilyavunyilwe.—Kufu. 12:46; Yoa. 19:31-33, 36.