Mwalondesya Masambililo Ampomvu

UMULANDU UNO CACINDAMILA: Kasambilizya wa Papelapela, Yeova, aakatusambilizya masambililo acindame. Akatusambilizya vino tungacita pakuya nu umi usuma nga na vino tungacita pakuti tuipekanyizizye ku umi usuma uwa ku nkoleelo! (Eza. 11:6-9; 30:20, 21; Umbw. 22:17) Mu masambililo kwene ya amuno Yeova akatwazwila kumanya vino tungasambilizya yauze ilandwe lya kuyapususya.—2 Kol. 3:5.

IVYA KUCITA:

• Mwaya ni miyele ya kuicefya nu ufuuke.—Masa. 25:8, 9

• Mwazumila kusambiliziwa kuno mukupokelela ndakai wakwe kupeelwa ilyasi mu kulongana kwa mukasi ka mulungu

• Mwaimika mauyo.—Filipi 3:13

• Mwaipusulako kuli vimwi pakuti musambiliziwe.—Filipi 3:8

TAMBINI VIDYO YAKUTI KUYA AKAMA PA MULANDU NA MASAMBILILO YAKWE YEOVA, ALINO MWASUKE MAUZYO ALONDELELAPO:

• I ntazi ci zino ya kasimikila yamwi yacimvizye pakuti yazanwe ku Sukulu Lyakwe ya Kakosoola ya Wene?

• A masambililo ci yano yakasambilizya kwi Sukulu Lyakwe ya Kakosoola ya Wene?

• Uzye amu cilongano yavwile uli aafumile ukwi Sukulu Lyakwe ya Kakosoola ya Wene mu milimo yao?

• I vyani vikalondekwa pakuti umwi alinge kuya ukwi Sukulu Lyakwe ya Kakosoola ya Wene? (kr ifwa 189)

• A masambililo ci na yauze yano mungimika uyo wa kuzanwako umwi uvi lyakwe Yeova?