Uzye Mungatemwa Kulemba Fomu Yakulengelapo Ukuya ku Sukulu Lyakwe ya Kakosoola ya Wene?

Uzye muli ni myaka kutandika pali 23 kufika kuli 65 nupya mukaomba umulimo wa nsita yonsi? Uzye mwaya nu umi usuma nupya mungaomba ukukalondekwa ya kasimikila aingi? Ndi cakuti mwasuka ukuti ee ku mauzyo yaa, uzye mwatala mwelenganyapo pa kulemba fomu ya kuzizyapo ukuya ku Sukulu Lyakwe ya Kakosoola ya Wene? Kufuma pano isukulu lii lyatandikile, atwalane aingi, alino na aina na yankazi asimbe yalemba mafomu aakuzizyapo ukuya ukwi sukulu lii. Lelo aakalondekwa sana aina asimbe. Mwalenga ukuti Yeova amwazwa ukulondesya ukumuzanzya nu kukolanya Umwanakwe. (Masa. 40:8; Mate. 20:28; Ayeb. 10:7) Lyene mulole vino mungacefyako ivintu vya ku ncito nanti ivya palwinu ivingamupumvyanya.

Amasyuko ci yano yayo akamala isukulu lii yakapokelela? Yamwi akamala masukulu yaa yakayatuma kuno yakalanda indimi zyuze nanti ukupeelwa umulimo wa kusimikila umu misumba ikulu uiyele. Yauze nayo yakapeelwa umulimo uwa wangalizi wa ciputulwa uwakwazwilizya, yamwi nayo yakaya aangalizi ya viputulwa, nanti yakaomba umulimo wa umisyonali. Lino mukwelenganya pa milimo ino mungaombako umu mulimo wakwe Yeova, mwaiusya amazwi yano kasesema Ezaya walanzile akuti: “Mukwai namayako! Ntumini nene!”—Eza. 6:8.

TAMBINI VIDYO YAKUTI YA MISYONALI AAKAOMBA UMULIMO WA KUZOMBOLA, LYENE MWASUKE AMAUZYO ALONDELELAPO:

• 

  Uzye ya misyonali yakasoololwa uli?

• 

  U mulimo ci usuma uno ya misyonali yakaomba?

• 

  I visuma ci ivyaya umu kuomba umulimo wa umisyonali?