Uzye Mungasangwilako Amaka Inu ni Insita ku Mulimo Wakwe Leza?

Wakwe vino kasesema Ezaya wasoowile, tukulola ukulunduluka ukukalamba uku kucitika umwi iuvi lyakwe Yeova ilya pano nsi. (Eza. 54:2) Fwandi kukulondekwa amang’anda ya Wene, Vikuulwa Vya Ukongano, ni vikulwa vya pa Betele na vyuze. Ndi cakuti ivikuulwa vivyo vyakuulwa vingalondeka ukuzifiwa, nupya vyuze vyene vikalondeka ukulungisya ivyativyononeka. Uzye vii vikalenga tukwate masyuko cii akusangwilako insita na maka itu uku mulimo wakwe Yeova?

• Tungazwilizyako ukuzifya ndi cakuti iumba lya mulimo lino twayamo yalipeela umulimo wa kuzifya pa Ng’anda ya Wene

• Tungaitemelwa ukusambilila ivyakuzifya Mang’anda itu a Wene

• Tungalemba Fomu ya Kuuzizyapo Umulimo wa Kuitemelwa mu LDC (DC-50) pakuti twaazwilizyako umu nsita zimwizimwi ukukuula nu kuzifya ivikuulwa vya kupepelamo Leza ivyaela umupipi na kuno tukaikala

• Tungalemba Fomu ya Kuuzizyapo Umulimo wa Kuitemelwa (A-19) nu kwazwilizyako umu milimo imwi pa Betele nanti pa vikuulwa vyuze ivyaya umu ncende ikaangalilwa nu musambo witu pa mulungu onga nanti ukucilapo

TAMBINI VIDYO IYAKUTI: UMULIMO WA MAKUULE UUKULONDEKWA UKUOMBWA—KAPUTULWA, ALINO MWASUKE AMAUZYO ALONDELELAPO:

• Londololini vino imiomvyezye ya mavidyo yasenuka sana ukufuma umu 2014 ukucila vino cali mpiti.

• Pakuti tutwalilile ukuomvya sana amavidyo apa kupepa Yeova, u mulimo ci uwapekanyiziwa, nupya ulatandika nu kusila lilaci?

• Uzye aomvi yakuitemelwa yangazwilizyako uli umu mulimo uu?

• Nga tukulonda ukuti tukaombeko umu makuule alaya uku Ramapo, u mulandu ci uno tulinzile ukulembela Fomu ya Kuuzizyapo Umulimo wa Kuitemelwa mu LDC (DC-50), nu kwazwilizyako umu milimo ya makuule ikuombwa umupipi na kuno tukaikala?

• I vyani ivyacitika ivikalangilila ukuti Yeova “akutungulula” umulimo uu?

• Tungatungilila uli umulimo uu nanti icakuti tutanga tukwanisye ukuya ombako?