Tukalanga Ukutemwa Nga Tukutungilila Ukusunda Kwakwe Yeova

Ukuzinga kacita wa viipe kukacingilila cilongano nupya kukaazwilizya na kacita wa viipe aasilapila. (1 Kol. 5:6, 11) Ndi cakuti tukutungilila ukusunda kuu kwakwe Yeova, ala tukulanga ukutemwa. Uzye cii cingaya uli icacumi vino ukuzingwa kukalenga yano cikumile ukuvwa uyi, ukuwikako na ya lupwa ya muntu kwene wiyo alino na amuli komiti ya upinguzi?

Nu kucila pali vii vyonsi, tukalanga ukuti twatemwa izina lyakwe Yeova na masunde yakwe amuzilo. (1 Pet. 1:14-16) Nupya tukalanga ukuti twatemwa nu muntu kwene wiyo uwatazingwa. Nanti icakuti kusundwa kukawavya umwenzo, kukalenga yao akusundwa “ukuya nu umi uwa mutende nupya uwakucita ivyaololoke.” (Ayeb. 12:5, 6, 11) Ndi cakuti tukuvwana nu muntu uwatazingwa nanti uwaifumila mu cilongano, ala tusikutungilila kusunda kwakwe Yeova. Mwaiusya ukuti, Yeova akasunda “ukulingana ni nsambu.” (Yele. 30:11) Ndi cakuti tukutungilila ukusunda kwakwe Yeova nu kutwalilila ukwika amano kuli vyakwe Leza, tukataila ukuti umuntu wiyo alasuka awele kuli Tata witu uwa luse.—Eza. 1:16-18; 55:7.

TAMBINI VIDYO YAKUTI: TWALILILINI UKUYA ACUMI NU MWENZO ONSI, ALINO MWASUKE MAUZYO ALONDELELAPO:

• 

  Uzye avyazi Aina Klistu yakauvwa uli ndi cakuti umwanao wafutatila Yeova?

• 

  Uzye amu cilongano yangatungilila uli aakwata lupwa wao uwazingwa?

• 

  Ilyasi ci ilya muli Baibo ilikatusambilizya ukuti ukuya na ucisinka kuli Yeova kwacindama ukucila ukuya na ucisinka kuli ya lupwa itu?

• 

  Tukalanga uli ukuti twacindikisya ucisinka uno twakwata kuli Yeova ukucila uno twakwata kuli ya lupwa itu?